ଦୀପାବଳି ଅଟେ ଆଲୋକ ପର୍ବ
ଦୀପାବଳି ଅଟେ ଆଲୋକ ପର୍ବ
ହିନ୍ଦୁ ଧର୍ମ ପ୍ରଥା ସଂସାରେ ସାର
ଭରି ଅଛି ତତ୍ତ୍ୱ ଯେ ଦର୍ଶନର l
କାର୍ତ୍ତିକ ମାସରେ ପର୍ବ ଦୀପର
ଧର୍ମ କରିଥାଉ ପାଇଁ ପୁଣ୍ୟର ll
ସାହିତ୍ୟ ସଂସ୍କୃତି ଚାଲି ଚଳଣି
ବିଜ୍ଞାନ ସମତ ପର୍ବ ପର୍ବାଣୀ l
ପ୍ରଥା ପରମ୍ପରା ରୀତି ନୀତିରେ
ସତ୍ୟ ଧର୍ମେ ଚାଲୁ ଭାଇ ଚାରାରେ ll
ପବିତ୍ରତା ଆସେ ଜାଳିଲେ ଦୀପ
ଦୀପ ନାଶ କରେ ନରର ପାପ l
ପ୍ରଭୁ ନିକଟରେ ଦୀପ ଲଗାଇ
ପୁଣ୍ୟ ଆଶା କରୁ ଭବିଷ୍ୟ ପାଇଁ ll
ଅନ୍ଧାର ଉପରେ ଆଲୋକ ଜୟ
କାଳିମା ହଟଇ ସତ୍ୟରେ ଲୟ l
ଦୀପ ଠାରୁ ଶିଖୁ ପରୋପକାର
ନିଜେ ଜଳି କରେ ଅନ୍ଧାର ଦୂର ll
ତ୍ୟାଗ, ବଳିଦାନ ରଖି ଜୀବନେ
ସତ୍ୟ କର୍ମ କର ଦେଇ ପରାଣେ l
ଦୀପାବଳି ଦିନ ନେଇ ଶପଥ
ସାଧୁତାରେ ଚାଲୁ କର୍ମର ପଥ ll
ପତଙ୍ଗକୁ ନିଆଁ ଲାଗଇ ଭଲ
ଦିପେ ପଡି ମରେ ଯେ ପଲ ପଲ l
ରୋଗ ମୁକ୍ତ ହୁଏ ଚାଷୀ ଫସଲ
ସୁସ୍ଥ ପରିବେଶ ସଦା ମଙ୍ଗଳ ll
ପ୍ରଭୁ ରାମ ଚନ୍ଦ୍ର ଅଯୋଧ୍ୟା ଫେରି
ଅସତ୍ୟ ନାଶିଲେ ରାବଣ ମାରି l
ଦୀପ ଜାଳି ସର୍ବେ କଲେ ସ୍ୱାଗତ
ପାଳୁଅଛୁ ପର୍ବ ସ୍ମରି ଅତୀତ ll
ପ୍ରଭୁ ରାମ ଗୁଣ ରଖି ମନରେ
ଦୀପାଳି ପାଳିବା ପରା ଖୁସିରେ l
କାମନା ବାସନା ମନୁ ହଟାଇ
ରାବଣ ପ୍ରକୃତି ଦେବା ଜଳାଇ ll
ଦୀପାବଳି ଅଟେ ଆଲୋକ ପର୍ବ
ଆମ ପରମ୍ପରା ଆମ ଗୌରବ l
ମମତା ଡୋରରେ ହୋଇକି ଗୁନ୍ଥା
ପରବ ପାଳିବା ନୁଆଇଁ ମଥା ll