ଆସିଗଲା ମୋଉସୁମୀ

ଆକାଶବାଣୀ କଟକ ସମ୍ବାଦେ କହିଲା

କେରଳକୂଳକୁ ଆସି ମୌସୁମୀ ଛୁଇଁଲା ll

ଦିନ କେଇଟାରେ ଦେବ ଓଡିଶାକୁ ଛୁଇଁ

ଘନ ଘୋର ଗରଜନେ କମ୍ବି ଯିବ ମହୀ ll

ଆକାଶରେ ବୁଲୁଛନ୍ତି ଦେଖ ମେଘମାଳ

କଳା କଳା ଜଳଧରେ କୁମ୍ଭେ ଧରି ଜଳ ll

ପ୍ରତୀକ୍ଷାର ଅନ୍ତହେଲା ଗ୍ରୀଷ୍ମ ଗଲା ଚାଲି

ସମୟତରଙ୍ଗେ ଯଥା ନଈ ଚୋରାବାଲି ll

ଆଷାଢ଼ ଶ୍ରାବଣ ଅଟେ ମେଘ ମାସ ଦୁଇ

କଥା ଗୋଟି ମନେ ରଖିଥିବ ସବୁ ଭାଇ ll

ଏଥର ତ ଗ୍ରୀଷ୍ମ ତାତି ଦେଖିଲ ଆପଣେ

ଆସ ପଣ କରିନେବା ଭାଇ ଜଣ ଜଣେ ll

ବରଷା କାଳରେ ଆମେ ଲଗାଇବା ବୃକ୍ଷ

ପାଦପେ ଅଟନ୍ତି ପରା ଦେବତା ପ୍ରତ୍ୟକ୍ଷ ll

ଜ୍ୟଷ୍ଠରେ କଦଳୀ ପୁଣି ଅଷାଢ଼ରେ କିଆ

କଥାଅଛି ପୋତ ନପୋତ ହୋଇ ଠିଆ ll

ବୃକ୍ଷ ବିନେ, ଭାଇ କାହୁଁ ଜୀବନ ରହିବ

ଅଙ୍ଗେ ଲିଭାଇବା କଥା ସବୁ ଦେଖୁଥିବ ll

ବରଷାଆସିଲା ଭାଇ ସାଥେ ଘେନି ରଜ

ହରିଆଲୀ ପର୍ବ ପାଳି କରିବା ମୋଉଜ ll