ଲେଉଟିବ ଶାନ୍ତି

ପାଦ ଦୁଇ ଆଗକୁ ଆଗକୁ ବଢୁ 

ଚାଲିବାକୁ ଅଛି ଅନେକ ଦୂର

ପାହୁଣ୍ଡ ପାହୁଣ୍ଡ ଆଗକୁ ଗଡୁ

ଅଲକ୍ଷ୍ୟ ଲକ୍ଷସ୍ଥଳ କାହିଁ ସୁଦୂର

ଯଦି ପାଦ ଲାଗୁଛି ଥକିଲା ଥମିଲା

ଦୁଇହାତ ବି ଦିଅ ପ୍ରସାରୀ

ଆପଣାର ମନ୍ତ୍ରେ କୋଳେଇ ନିଅ

ରାସ୍ତାରେ ଭେଟୁଥିବା ପଥଚାରୀ

ଯଦି ପାଦ ହାତ ଲାଗୁଚି ଅବଶ

ସ୍ମିତ ହାସ୍ୟ ଝଲକେଇ ଦିଅ

ଆପଣାର ମୁଖ ମୟୂଖର ଛଟାରେ

ବାନ୍ଧିନିଅ ଆପଣେଇ ନିଅ

ଯଦି ପାଦ ହାତ ହସ ଲାଗୁଛି ସ୍ଥାଣୁ

ଜୀବନଟା ଅସାର ଅପାର ସଂସାର

ଉପକାର କରିଚାଲ ବିନା କାରଣରେ

ସୁଖ ଶାନ୍ତି ଲେଉଟିବ ବେଦନା ରହିତ ସ୍ୱର ।।