ଭଣେ ଭୀମଭୋଈ

    

ଅନ୍ଧ କରି କନ୍ଧ କୁଳେ ଜନ୍ମଦେଲୁ

  ନାମ ଦେଲୁ ଭୀମଭୋଇ l

ଅଧମ ଅଜ୍ଞାନ ନାହିଁ ମୋର ଜ୍ଞାନ

   ବନେ ଚରାଇଲି ଗାଈ ll

ବନ୍ୟ ଫଳ ମୂଳ ଝରଣାର ଜଳ

   ଆହାର କରିଲି ନିତ୍ୟେ l

ମୋ ପାଇଁ ସଂସାର ଖାଲି ଅନ୍ଧକାର

  ବିଭୁ ନାମ ଗାଏ ଗୀତେ ll

ପ୍ରାଣୀଙ୍କ ଆରତ ଦୁଃଖ ଅପ୍ରମିତ

   ଦେଖି କି ସହିବି ଆଉ l

ଜଗତ ଉଦ୍ଧାର ଆହେ ପରାତ୍ପର

  ମୋ ଜୀବନ ନର୍କେ ଥାଉ ll

ଜନମୁ ମୁରୁଖ ନାହିଁ ମୋର ଦୁଃଖ

  ଗୁରୁ ମୋ ନାହାଁନ୍ତି କେହି l

ଶୂନ୍ୟ ନିରଞ୍ଜନ ବ୍ରହ୍ଣ ସନାତନ 

   ଗୁରୁ ମହିମା ଗୋସାଇଁ ll

ଚିହ୍ନି ନାହିଁ ମୁହିଁ ଆତ୍ମୀୟ ସୋଦର 

  କିଏ ମୋର ପିତା ମାତା l

ଏକା ଗୁରୁ ମୋର ମହିମା ସାଗର 

   ବିଶ୍ଵ ସଂସାର ନିର୍ମାତା ll

ଆସ ଆସ ଗୁରୁ ନିଶବ୍ଦ ମନ୍ଦିରୁ

  ହାତ ଧର ମୋ ଗୋସାଇଁ l

ଭଣେ ଭୀମଭୋଇ କାନ୍ଦକାନ୍ଦ ହୋଇ 

    ଅପରାଧୀ ମନ୍ଦ ମୁହିଁ ll