ଲାଇବ୍ରେରୀ
ପ୍ରୋଫାଇଲ୍
ଅକଳନ ଆନନ୍ଦ
ଅକଳନ ଆନନ୍ଦ
1 min
14
ସେଦିନ
ସେଥିଲା
ଆଉ ମୁଁ ବି
ଯେବେ ସ୍ବପ୍ନ ସୁନା ହରିଣ ପରି
ଦୌଡୁଥିଲେ
ଅଗନା ଅଗନି ବନସ୍ତ ମଧ୍ୟେ
ଆମେ ଗୋଡାଉଥିଲୁ ପଛେ ପଛେ
ସମ୍ଭାବନା,ସମୟ,ଶ୍ରମ ସହ
କିଛି ହେବା ପାଇଁ
ରେଭେନ୍ସା ମହାବିଦ୍ୟାଳୟରେ।
ସେ କହିଲା ଏଡିଟର ମହାଶୟ
ମୋ ମନକୁ ଫାଡ଼ିଦେଲେ
ପାମ୍ପଡ଼ ପରି ମଡ଼୍ ମଡ୍
ଏମିତି କହି
ହସି ହସାଉଥିବା
ମୋ ହୃଦ କାଁଥେ
ସବୁଦିନ ଛାପି
ରହିଥିବା
ଜଣେ ପ୍ରିୟ ମୁହଁ ।
ହଠାତ୍ ଦିନେ
ବିନା ସୂଚନାରେ
ମୋ ଘର କବାଟ ଠକ୍ ଠକ୍ କଲା ସେ
ମୁଁ ଅଭିମାନରେ ଶୋଇଥିଲି
ସେ ଜଗାଇ ଦେଲା
କହିଲା ତୋ ସ୍ମାର୍ଟନେସ୍ କାଇଁ!
ତୁ କଣ ଲେଖା ଛାଡି ଦେଲୁ!
ମୁଁ ଫଁ କରି ଉଠିଲି
ପୁଣି କଲମ
ସକ୍ରିୟ ହେଲା
ଯାହା ପାଇଁ ଏବେ ଅଭିନନ୍ଦନ ଓ ଖୁସି
ପାହଡ଼ ତଳେ ଫଳାଉଛି
ଗପର ଫସଲ।
ସାଙ୍ଗ
ସୁମନାସ
ମୁଠେ ଭଲ ପାଇବା
ସୁସ୍ଥ ରହ
ଖୁସିରେ ଥା
ଅକଳନ ଆନନ୍ଦ
ତୋର ହେଉ ପୁଞ୍ଜି
ଜୀବନ ତମାମ।
