ବିଦ୍ୟାଳୟ
ବିଦ୍ୟାଳୟ
ଦେଖିଲେ ଜେଜେ ନାତି ଟୋକାଟି
ଖେଳୁଛି ତାର ସାଙ୍ଗସାଥିଙ୍କ ସହ
ପଚାରିଲେ ସେହି କ୍ଷଣି ତାକୁ
କାହିଁକି ବିଦ୍ୟାଳୟ ଯାଇନାହୁଁ କହ ।
ପରୀକ୍ଷା ଆସିଲାଣି ପାଖେଇ ପାଖେଇ
ନାହିଁ କି ତୋର ଟିକେ ଚିନ୍ତା
ବିଦ୍ୟାଳୟରେ ଚାଲିଛି ପାଠର ପୁନରାବୃତ୍ତି
ଯାଇଥିଲେ ସେଠାକୁ କିଛି ତୋ ହୁଅନ୍ତା ।
ଇଚ୍ଛାନାହିଁ ତୋର ପାଠ ପଢିବାକୁ
ଦେଖାଯାଉ ନାହିଁ ତୋର ଭଲଗତି
ଏହି ବୟସରେ ପାଠପଢିବା କଥା
କାହିଁକି ଡାକୁଅଛୁ ଭବିଷ୍ୟତକୁ ବିପତ୍ତି ।
ବିଦ୍ୟାଳୟ ପରା ଜ୍ଞାନର ମନ୍ଦିର
ଶିକ୍ଷକ ଶିକ୍ଷୟତ୍ରୀ ଅଟନ୍ତି ଦେବତା
ତାଙ୍କୁ ପୂଜା କରୁଥିଲେ ସଦା
ପୋଡ଼ା ଅଙ୍ଗାରରୁ ହୋଇବୁ ମୁକୁତା ।
ବିଦ୍ୟା ବିନା ବିଦ୍ୟାଳୟ ଅଧୁରା
କେବଳ ହୁଏ ନାହିଁ ପାଠପଢା
ଆଚାର ବ୍ୟବହାର ଚାଲି ଚଳନ
ପିଲାଙ୍କ ଭବିଷ୍ୟତ ହୁଏ ଗଢା ।
ଯେତେ ଶିକ୍ଷିତ ହୁଅଇ କେହି
ବିଦ୍ୟାଳୟ ପରା ଅଟେ ମୂଳଦୁଆ
ସର୍ବୋଚ୍ଚ ଶିଖର ଛୁଇଁବା ପାଇଁ
ହେଲେ ସେହି ଏକମାତ୍ର ସାହା ।
ନାତି ଟୋକା ବିଦ୍ୟାଳୟର ଗୁରୁତ୍ତ୍ଵ
ଜେଜେଙ୍କ ଠାରୁ ବୁଝିଲା ଏବେ
ପ୍ରତିଦିନ ବିଦ୍ୟାଳୟ ଯିବା ପାଇଁ
ଆଉ ବାହାନା କରିବନି କେବେ ।।