କାହିଁକି କବିତା ଦିବସ
କାହିଁକି କବିତା ଦିବସ
କବି,ଲେଖକ ଓ ପାଠକ
ବୁଝିବା ଉଚିତ୍
କିମ୍ପାଇଁ ପାଳିବା କବିତା ଦିବସ ?
ସମାଜେ ଆଣିବାକୁ ସଂସ୍କାର
କବି ଲେଖକ ଓ ପାଠକ
ହେବା ଉଚିତ୍ ସଭିଏଁ ତତ୍ପର
ଛାଡି ନିଜ ସ୍ବାର୍ଥ
କ୍ଷମତା ମୋହ ଓ ଅର୍ଥ
ଜ୍ଞାନୀ ଗୁଣୀ ବିଜ୍ଞଜନଙ୍କ
ମନ ହୃଦୟକୁ କରିବାକୁ ଜାଗ୍ରତ
କଲମ ମୁନକୁ କରି ସଶକ୍ତ
ସଭିଙ୍କୁ କରଇ ବିବଶ
ଦୁର୍ନୀତି ଭ୍ରଷ୍ଟାଚାର ବିରୁଦ୍ଧେ
ଲଢେଇ ପାଇଁ
କବିଟିଏ ଲେଖକଟିଏ
ସ୍ଵର ଉଠାଇ ବୁଝାଇଦିଏ
କାହିଁକି ପାଳିବା କବିତା ଦିବସ ?
ନୀତି ନୈତିକତା ଓ ଆଦର୍ଶ
ରକ୍ଷା କରିବା ପାଇଁ
କବି ଲେଖକ ଦିଅନ୍ତି
ସାରା ସମାଜକୁ ପରାମର୍ଶ
ବିଶ୍ଵୁ ହଟାଇ ହିଂସା ଦ୍ୱେଷ ବିଦ୍ଵେଷ
କବି ଓ ଲେଖକ କୁଳ ଚାହାଁନ୍ତି
ଗଢ଼ିବାକୁ ଶାନ୍ତି ମୈତ୍ରୀ
ଏକତା ଭିତ୍ତିରେ ସବୁଜ ସୁନ୍ଦର ବିଶ୍ଵ
ହଟାଇ ଅନ୍ୟାୟ ଅନୀତି ଦୁର୍ନୀତି
ଯୁଦ୍ଧ ଓ ଦ୍ଵନ୍ଦ୍ଵର ବିଷ
କବି, ଲେଖକ ଓ ସାହିତ୍ୟିକ
ସଦା ସର୍ବଦା ଚେଷ୍ଟିତ ରୁହନ୍ତି
ଗଢି ତୋଳିବାକୁ
ଶାନ୍ତ ପରିବେଶ ତଥା ଶାନ୍ତିର ବିଶ୍ଵ ।
କବି ଲେଖିଥାଏ କବିତା
ବଦଳିବାକୁ ସମାଜ ଛବିଟା
ଲେଖକ ଲେଖଇ
ଗଳ୍ପ କାହାଣୀ ତଥା ଉପନ୍ୟାସ
ପ୍ରାବନ୍ଧିକ ଲେଖେ ପ୍ରବନ୍ଧ
ସମାଜେ ଫୁଟାଇବାକୁ
ଜୀବ ମାନବଙ୍କ ମୁଖେ ହସ
କବି, ଲେଖକ ଓ ପ୍ରାବନ୍ଧିକ
ଜାଗ୍ରତ ପ୍ରହରୀ
ଅଟନ୍ତି ସମାଜ ରକ୍ଷକ
କବିର କବିତା
ଲେଖକ ଲେଖନୀର ବାର୍ତ୍ତା
ସମାଜେ ସଂସ୍କାର
ଆଣିବାକୁ କରେ ବିବଶ
କବି ଓ ଲେଖକ
ବୁଝିଛନ୍ତି ସାହିତ୍ୟର ମୂଲ୍ୟ
ସେମାନେ ଜାଣିଛନ୍ତି
କାହିଁକି ଏ କବିତା ଦିବସ ?