ବାପା

ସରଧାର ସାଗର ସେ

      ସାହସର ସାହାରା

ସିଏ ସିନା ମାେ ପାଇଁ

      ସବୁ ବେଳେ ପ୍ରହରା

ସିଏ ଥିଲେ ଚିନ୍ତା ନାହିଁ

       ଦୁଃଖ ଆଉ ଝଡକୁ

ସବୁବେଳେ ବଳମୋର 

       ସବୁ କାମ ବେଳାକୁ

ସିଏ ମୋର ପ୍ରାଣ ଦାତା

        ଜୀବନ ର ଆଧାର

ତାଙ୍କ ବିନା କି ଜୀବନ

       ସବୁ ସିନା ଅନ୍ଧାର

ଆଦ୍ୟ ଗୁରୁ ସିଏ ମୋର

      ସଂସ୍କାର ମାେ ତାଙ୍କରି

ମାେ ପ୍ରଭୁ ମାେ ପିତା 

       ପ୍ରସାଦ ମୁଁ ତାଙ୍କରି

ପାଖେ ନ ଥିଲେ ବି ସିଏ

        ମନେ ମୋର ଅଛନ୍ତି

ଦରକାର ବେଳେ ମୋତେ

         ଉପଦେଶ ଦିଅନ୍ତି

ପିଲାଦିନେ ଶିଖାଇଲେ

       ହାତ ଧରି ଚାଲିବା

ମୁଖେ ଆମ ଭାରିଦେଲେ

       ମିଠା ମିଠା କହିବା

ଛୋଟ ଛୋଟ ଗପ କହି

      ପକେଇଲେ ଶୁଆଇ

କୁନୀ ହାତ ଧରି

      ନେଲେ ମେଳା ବୁଲେଇ

 ତାଙ୍କ ପାଦ ତଳେ ଅଛି

          ସ୍ଵର୍ଗ ସୁଖ ଆନନ୍ଦ

ତାଙ୍କ ଆଶୀର୍ବାଦ ଲାଭ

         ଠାକୁର ଙ୍କ ବରାଦ

ହେ ଠାକୁର ଏତିକି ମୁଁ

         କରୁଅଛି ଜଣାଣ

ବାପାଙ୍କୁ ମାେ ସବୁବେଳେ

        ଦେଇଥିବ ଶରଣ ।