ନାଗରିକ
ନାଗରିକ
ଭାରତବର୍ଷର ଆମେ ନାଗରିକ
ସଭିଏଁ ଭାଇ ଭଉଣୀ
ସୁରକ୍ଷିତ ଆମ ମୈ।ଳିକାଧିକାର
ସାର୍ବଭୌମ ସ୍ୱଚଳନି ।
ଆମ ଶିକ୍ଷା ଦୀକ୍ଷା ଧରମ କରମ
ସେବା ଗମନାଗମନ
ଆମ ସ୍ୱ ସ୍ୱାୟତ୍ତ ନୀତି ଓ ନିୟମେ
ହୁଏ ସୁପରିଚାଳନ ।
ମତଦାନ କରି ନିର୍ବାଚିତ କରୁ
ଆମେ ଜନ ପ୍ରତିନିଧି
ଲୋକ ବହୁମତେ ପ୍ରଣୀତ ହୁଅଇ
ପ୍ରଶାସନ ତନ୍ତ୍ର ବିଧି ।
ପ୍ରତି ପାଞ୍ଚ ବର୍ଷେ ହୁଏ ଅନୁଷ୍ଠିତ
ସାଧାରଣ ନିର୍ବାଚନ
ସାବ୍ୟସ୍ତେ ସ୍ୱତନ୍ତ୍ର ମତ ଅଧିକାର
ନାଗରିକ ପ୍ରତି ଜନ ।
ଜାତି ସ୍ୱ।ଭିମାନ ପୁଣ୍ୟ ଓ ପବିତ୍ର
ଆମ ଐତିହ୍ୟ ସଂସ୍କୃତି
ସୁକର୍ତ୍ତବ୍ୟେ ଆମ ସର୍ବଦା ଜୀବନ୍ତ
ପ୍ରକୃତି ଅମୂର୍ତ ମୂର୍ତ୍ତି ।
ଦେଶ ମାତୃକାର ସେବା ଓ ସୁରକ୍ଷା
ତା ପ୍ରଗତି ଉତ୍କର୍ଷତା
ସାଧନ ନିମନ୍ତେ ଜୀବନ ଉତ୍ସର୍ଗ
ନାଗରିକ ପରାକାଷ୍ଠା ।