ଆମେ ଭାରତୀୟ

ଆମେ ଭାରତୀୟ ଶାନ୍ତିର ପଥିକ

ଅହିଂସା ଆମର ମୂଳ ମନ୍ତର

ଦୁର୍ବଳ,ଅକ୍ଷମ ଭାବ ନା ଆମକୁ

ସୁଯୋଗ୍ୟ ସନ୍ତାନ ଆମ୍ଭେ ମାଆର ।

ବିଶ୍ୱ ଦରବାରେ ସଦ୍ଭାବନା ପାଇଁ

ନିର୍ମଳ ହୃଦରେ ସଦା ତତ୍ପର

ସରଳ,ନିରୀହ ଭାବ ନା ଆମକୁ

ନେଇପାରୁ ପ୍ରାଣ ଆମ୍ଭେ ଶତ୍ରୁର ।

ଦେଶର ସୁରକ୍ଷା ଆମ୍ଭରି କର୍ତ୍ତବ୍ୟ

ସାହସ,ଶକତି ହୃଦେ ଅପାର

ଅଯୋଗ୍ୟ,ଅକର୍ମା ଭାବ ନା ଆମକୁ

ବିପଦେ ହେବୁନି କେବେ କାତର ।

ସେବା,ତ୍ୟାଗ ଧର୍ମ,ଦୟା,କ୍ଷମା,ଦାନ

ପାଇଛୁ ଅମୂଲ୍ୟ ନୀତି ସଂସ୍କାର

ଅଜ୍ଞାନ,ଅଥର୍ବ ଭାବ ନା ଆମକୁ

ଦେଶହିତେ ଦେବୁ ପ୍ରାଣ ଆମର ।

ବିଶ୍ୱଭ୍ରାତୃପ୍ରୀତି କରିଛୁ ଆୟତ୍ତ

ଜଗତିକରଣ କରୁଆଦର

ଅଧମ ,ଅନାର୍ଯ୍ୟ ଭାବ ନା ଆମକୁ

କରମ ବଳରେ ପୋଷୁ ଉଦର ।

ଅନ୍ୟାୟ,ଅସତ୍ୟ କପଟ ବିହୀନ

ପ୍ରଗତି ନିମନ୍ତେ ଆମେ ଅଧିର

ଅନାଥ,ଅଧୈର୍ଯ୍ୟ ଭାବ ନା ଆମକୁ

ଦେଶ ହିତେ ବଳି ଦେବୁ ଶରୀର ।