ଆମେ ଯେ ଏକ

ଜୁଇ ଯାଈ ହେନା ଟଗର ମନ୍ଦାର

  ଛୁରିଆନା କନିଆର

ଗୋଟିଏ ମାଳାରେ ପାଉଅଛୁ ଶୋଭା

  ଆହା କେଡ଼େ ମନୋହର!

ଆମେ ତ ସୁମନ ଏକ ବଗିଚାର

 ଆମ ମନେ ନାହିଁ ଭେଦ

ମିଳିମିଶି ଆମେ ହଲୁଛୁ ଝୁଲୁଛୁ

  କାହା ମନେ ନାହିଁ ଖେଦ।

ବାସ ବି ଅଲଗା ରଙ୍ଗ ବି ଅଲଗା

 ଅଲଗା ଗଢ଼ଣ ଆମ

ଯେତେ ବି ଅଲଗା ହୋଇଲେ ଆମେ ରେ

  ଗୋଟିଏ ଆମର ମନ।

ସେହିପରି ଏଇ ଦେଶ ଟି ଆମର

  ଅଲଗା ଭାଷା ଓ ଜାତି

ଅଲଗା ପୋଷାକ ଅଲଗା ବି ବେଶ

  ଗୋଟିଏ ଆମର ନୀତି।

ଖାଦ୍ୟ ତ ଅଲଗା ଚଲଣି ଅଲଗା

  ଯେତେ ବି ଅଲଗା ହେଉ

ସବୁ ଅଲଗା ରେ ଆମେ ତ ଗୋଟିଏ

  ଏହି କଥା କହି ଥାଉ।

ଅନେକ ଫୁଲରେ ମାଳଟି ସୁନ୍ଦର

  ଅନେକ ରେ ଏକ ଆମେ

ସେହିପରି ଆମ ଦେଶ ଟି ସୁନ୍ଦର

  ହୋଇଛି ଏ ଧରା ଧାମେ।