Library
Profile
ଉଚ୍ଚା ରହୁ ମୋ ତ୍ରିରଙ୍ଗା
ଉଚ୍ଚା ରହୁ ମୋ ତ୍ରିରଙ୍ଗା
ବିଧାତା ସୃଜିଲେ ଏ ଧରଣୀ ବକ୍ଷେ
ଯେତୋଟି ମନୁଷ୍ୟ ବାସ
ସବୁଠୁ ସୁନ୍ଦର ତା ମଧ୍ୟେ ମୋହର
ଦେଶ ଏ ଭାରତ ବର୍ଷ l
ଦେବତା ଇଚ୍ଛନ୍ତି ଜନମ ନେବାକୁ
ପୂତ ଭୂମି ଏ ଭାରତେ
ଶୁଭ୍ର ଶୈଳଶ୍ରେଣୀ ହିମାଳୟ ଯାର
ଶିରେ ମୁକୁଟ ପ୍ରକଟେ l
ଭୁସ୍ୱର୍ଗ କାଶ୍ମିର ତା ମସ୍ତକେ ମଣି
ପାଦ ପଖାଳେ ଜଳଧି
ବକ୍ଷରେ ତାହାର ବିନ୍ଧ୍ୟ ଗିରି ବର
ଗଙ୍ଗା ଗୋଦାବରୀ ନଦୀ l
ସତ୍ୟ ଓ ଅହିଂସା ମୁଳ ମନ୍ତ୍ର ଯାର
ବେଦ ପୁରାଣ ବଖାଣେ
ଜଗତେ ଏପରି ଦେଶଟିଏ ଅଛି
ଦେଖିଛ କି କାହିଁ ଜଣେ l
ଆର୍ଯ୍ୟାବର୍ତ୍ତ ଦେବ ଭୂମି ଏ ଭାରତ
ମୁନି ଋଷି ବାକ୍ୟେ ପୂତ
ବକ୍ଷେ ବହେ ଯାର ପୂତ ନୀର ଧାର
କୃଷ୍ଣା, ସିନ୍ଧୁ, ବ୍ରହ୍ମପୁତ୍ର l
ସୂରୁଜ ଉଇଁଲେ ପ୍ରଥମ କିରଣେ
ଦେଖନ୍ତି ମାଆର ମୁଖ
ତାରା ଗଣ ଖଚି ରତ୍ନର ଚାନ୍ଦୁଆ
ଢାଙ୍କନ୍ତି ଚନ୍ଦ୍ର ମୟୂଖ l
ଯେ ଭୂମି ପ୍ରଚାରେ ପ୍ରେମର ରାଗିଣୀ
ବିଶ୍ୱ ଭ୍ରାତୃତ୍ୱର ବାଣୀ
ସର୍ବେ ଆମ୍ଭେ ବସୁଧୈବ
କୁଟୁମ୍ବକମ୍
ବିଶ୍ୱର ଭାଈ ଭଉଣୀ l
ବିଶ୍ୱରେ ବୃହତ ଗଣତନ୍ତ୍ର ଯାର
ଶାସନ ପ୍ରଜା ତନ୍ତ୍ରର
ରାମରାଜ୍ୟେ ପ୍ରଭୁ ପ୍ରଜାନୁରଞ୍ଜନ
ପ୍ରଚାର ମହା ମନ୍ତର l
ସେ ପବିତ୍ର ଭୂମେ ଆନନ୍ଦେ ଵିହରୁ
ଆମ୍ଭେ ସର୍ବେ ଦେଶ ବାସୀ
ଯେ ଭୂମେ ବିରାଜେ ପୁଣ୍ୟ ତୀର୍ଥ
ଯଥା ଦ୍ୱାରିକା, ମଥୁରା, କାଶୀ l
ଆଜି ଆମର ସେ ମହାନ ପରବ
ଜାନୁଆରୀ ଏ ଛବିଶ
ସଗର୍ବେ ଉଡ଼ଇ ଆମରି ତ୍ରିରଙ୍ଗା
ଦେଇ ତିନୋଟି ସନ୍ଦେଶ l
କେଶରୀ ରଙ୍ଗଟି ଉର୍ଦ୍ଧ୍ୱରେ ଏହାର
ସୌର୍ଯ୍ୟ, ବୀରତ୍ୱ ପ୍ରତୀକ
ମଧ୍ୟଭାଗେ ଧଳା ସତ୍ୟ ଶାନ୍ତି ନିମ୍ନ
ନୀଳ ଭ୍ରାତୃତ୍ୱ ବ୍ୟଞ୍ଜକ l
ମଧ୍ୟ ଭାଗେ ତାର ଅଶୋକ ଚକ୍ରଟି
ଦେଶ ପ୍ରଗତି ସୂଚକ
ସେ ପତାକା ତଳେ ଆସ ଦେଶବାସୀ
ହୋଇଯିବା ସର୍ବେ ଏକ l
ପ୍ରାର୍ଥନା କରିବା ଏ ଦେଶ ଗୌରବ
ବିଶ୍ୱରେ ବଜାୟ ରହୁ
ବିଶ୍ୱ ବିଜୟୀ ଏ ତ୍ରିରଙ୍ଗା ଆମର
ଉଚ୍ଚା ସଦା ରହିଥାଉ l
