ମାନବ ଜାତିର ପବିତ୍ର ଦିବସ
ମାନବ ଜାତିର ପବିତ୍ର ଦିବସ
ମନେ ପଡ଼ିଯାଏ ଆଜିର ଦିନରେ
ଭୟାବହ ବିଶ୍ୱ ସମର ଦ୍ବୟ l
ମାନବ ଦୈତ୍ୟ ମାତିଲା ବୁହାଇ
ଧରା ବକ୍ଷେ ରକ୍ତନଦୀ ଓ ଲୁହ l
ବଳି ପଡ଼ିଗଲେ କେତେ ନରନାରୀ
ସାହା ହରାଇଲେ କେତେ ଜନତା l
ମାନବର ସ୍ଥିତି ନୁହେଁ ରକ୍ତପାତେ ବୁଝି
ଗଲା ଏହା ବିଶ୍ୱ ଜନତା l
ଉଣେଇଶ ପଇଁଚାଳିଶ ମସିହା
ଅଗଷ୍ଟ ଛଅ ରେ ଅଗଷ୍ଟ ଛଅ l
ଈଶ୍ୱର ସୃଷ୍ଟ ବିଜ୍ଞ ମାନବ ଅଜ୍ଞ
ପ୍ରାୟେ ସେ କି କଲା କହ ।
ହିରୋସୀମା ବାସୀ ଚିତ୍କାର କଲେ
ଅଗ୍ନିର ଲହଡି ଆସିଲା ମାଡ଼ି l
ତାଣ୍ଡବ ରଚି ଅଜ୍ଞାନୀ ମାନବ ଅଣୁ
ବୋମାଟିଏ ଦେଲାକ ଛାଡ଼ି l
ଆକାଶୁ ଖସିଲା ଉଲକା ପିଣ୍ଡ ଟି
ଜ୍ଵାଳା ମୁଖି ଦେଲା ସରବ ଜାଳି l
ନିମିଷକେ ଆହା ଭଷ୍ମ ହୋଇଲା
ନଗର, ଅଟ୍ଟାଳି, ବଣ,ପଲ୍ଲୀ l
କ୍ରନ୍ଦନ ରୋଳେ ପୁରିଲା ଆକାଶ
ହାହାକାର ରବେ ପୁରିଲା ପୃଥ୍ଵୀ l
ପୋକ ମାଛି ପ୍ରାୟେ ଲକ୍ଷେ ଜନତା
ନିମିଷେ ଗଲେ ଭୁଇଁରେ ଲୋଟି l
ନର ପିଶାଚ ତୃଷ୍ଣା ମେଣ୍ଟିଲାନି ପାଉଁଶ
ହୋଇଲା ସେ ନାଗାସାକି l
ଅହି ଜିହ୍ୱା ଲହ ଲହ ବୁଲୁଥିଲା
ହିରୋସୀମା ପରେ ପଡ଼ିଲା ଆଖି l
ତିନି ଦିନ ପରେ କାଳ ଦିନ ଥିଲା
ଅଗଷ୍ଟ ନଅ ରେ ଅଗଷ୍ଟ ନଅ l
ହିରୋସୀମା ପରେ ବମ୍ ପଡିଲା
ବିଶ୍ୱଜନେ ଦେଇ ଚରମ ଭୟ l
ନିମିଷେ ହୋଇଲା ଧ୍ବଂସ ସ୍ତୁପ ସେ
ସରସ ସୁନ୍ଦର ସହର ଗୋଟି l
ଜଳିଲା ସର୍ବ ମୃତ ଅସୁମାରୀ କାନ୍ଦୁ
ଥିଲେ ଶିଶୁ ଭୂମିରେ ଲୋଟି l
ବିଜ୍ଞାନ ଜ୍ଞାନେ ବିଜ୍ଞାନୀ ବୋଲାଅ
ଏହା କି ତୁମର ବିଜ୍ଞାନ ବୁଦ୍ଧି ।
ଚିନ୍ତା ନାୟକ ଚିନ୍ତିଲେ ବସି ଏତେ
ଦିନକରେ ସ୍ଫୁରିଲା ବୁଦ୍ଧି l
ହୁଅ ହୁସିଆର ହୁଅ ରେ ତିଆର ଏ
ଧ୍ବଂସ ଲୀଳାରୁ ଲଭ ଶିକ୍ଷା l
ବିଜ୍ଞାନର ଜ୍ଞାନ ମାନବ କଲ୍ୟାଣେ
ଏବେ ଠୁଁ ଏହା ହେଉ ଦୀକ୍ଷା l
ବିଶ୍ୱ ଭ୍ରାତୃତ୍ୱେ ସହାବସ୍ଥାନେ ବିଶ୍ୱେ
ବଜାଇ ରଖିବା ଶାନ୍ତି l
ଶାନ୍ତିରେ ହେବ ବିଶ୍ୱ କଲ୍ୟାଣ ଯୁଦ୍ଧେ
ନୋହିବ ମାନବ ସ୍ଥିତି l
ମାନବ ଜାତିର ପବିତ୍ର ଦିନଟି ଏହି
ଅକଟୋବର ଚବିଶ l
ଜାତିସଂଘର ଜନ୍ମ ହୋଇଲା ସାଲ
ଉଣେଇଶ ପଇଁଚାଳିଶି l
ମାନବ ଜାତିର ଏ ମହା ମନ୍ଦିର
ବିଶ୍ୱେ ପ୍ରଚାରେ ବିଶ୍ୱ ସ୍ଥିତି l
ଅହିଂସା,ଭ୍ରାତୃତ୍ୱ,ଶାନ୍ତି,ବିଶ୍ୱ ମୈତ୍ରୀ,
ବିଶ୍ୱଜନ ପ୍ରୀତି ଯାହା ନୀତି l