ଗୃହଲକ୍ଷ୍ମୀ

ନାରୀ ସେ ଦେବୀ ଅନନ୍ୟା  ଈଶ୍ୱରଙ୍କ ସୃଷ୍ଟିରେ

ଜାୟା,ଭଗ୍ନୀ,ଜନନୀ ସେ   ଭିନ୍ନ ଭିନ୍ନ ରୂପରେ ।

ପରିବାର ଗୃହଲକ୍ଷ୍ମୀ     ପୌରାଣିକ ସ୍ଵୀକୃତି

ନାରୀ ବିନା ଗୃହଶୁନ୍ୟ    ନଥାଏ ତା' ସ୍ଥିତି ।।

ପରକୁ ଆପଣା କରେ  ନାରୀ ସ୍ନେହଶ୍ରଦ୍ଧାରେ

ତ୍ୟାଗ,ଦୟା,କ୍ଷମା ଗୁଣ ଠୁଳ କରି ହୃଦରେ ।

ସେବା ଯତନରେ ପାଳେ ମମତାର ମୁରତ୍ତୀ

ସଂସାର ଭରକୁ ବୋହେ ଅକଳନ ଶକତି ।।

ଘର ହୁଏ ସ୍ୱର୍ଗପୁର   ତା'ର ସମର୍ପଣରେ

ସମ୍ପର୍କର ସେତୁ ସିଏ  ସଦସ୍ୟଙ୍କ ମଧ୍ୟରେ ।

ଧୈର୍ଯ୍ୟ ସାହାସରେ ପଥ  ଚାଲୁଥାଏ ନିଇତି

ବୁଣିପାରେ ଅସୀମିତ   ସୁଖଶାନ୍ତି ପୀରତି ।।

ବୁଝିପାରେ ପେଟ ଭୋକ ତୃଷ୍ଣା କଷ୍ଟ ଓଠରେ

ଗୃହଲକ୍ଷ୍ମୀ ତୋ' ଚରଣେ ମଥାନତ ଭକ୍ତିରେ ।।