ସେବା

ମଣିଷ ଜୀବନ ଶ୍ରେଷ୍ଠ ସଂସାରରେ

ମହାନ ଗୁଣକୁ କର ଆୟତ୍ତ

ସେବା ଗୁଣେ ମନ କଲେ ନିୟୋଜନ

କୋଟି ପୂଣ୍ୟ ଫଳ ହୁଏ ପ୍ରାପତ ।

ମାନବର ସେବା ମାଧବର ସେବା

ଅନ୍ୟଥା ନୁହଁଇ ଏ ଗୁରୁବାଣୀ

ସେବାର ସୌଭାଗ୍ୟ ଅପାର ଆନନ୍ଦ

ଆଦରିବା ହୃଦେ ହେ ଜ୍ଞାନୀଗୁଣୀ ।

ସେବା କଲେ ମିଳେ ଈଶ୍ୱର ଆଶିଷ

ମନେ ସୁଖଶାନ୍ତି କରଇ ଘର

ନିଃସ୍ୱାର୍ଥ ନିର୍ଲୋଭ ସେବା କରୁଥିଲେ

ମୃତ୍ୟୁ ପରେ ନିଶ୍ଚେ ହେବ ଅମର ।

ଉତ୍କଳର ମଣି ଗୋପବନ୍ଧୁ ଦାସ

ସେବାରେ ଜୀବନ କଲେ ଉତ୍ସର୍ଗ

ଦୁଃଖୀରଙ୍କିଙ୍କର ସାହାରା ଥିଲେ ସେ

ମହାନ ତାଙ୍କର ସେବା ଓ ତ୍ୟାଗ ।

ତାଙ୍କରି ଆଦର୍ଶ ଆମରି ପ୍ରେରଣା

ସେବା ପାଇଁ ମନପ୍ରାଣ ଢାଳିବା

ସେବା ସମର୍ପଣେ ଦୁଃଖୀ ଓ ଦରିଦ୍ର

ଅସହାୟ ମୁଖେ ହସ ଭରିବା ।