ମାଆ ଓ ଶାଶୂ
ମାଆ ଓ ଶାଶୂ
ଗର୍ଭ କଷ୍ଟ ସହି ଜନ୍ମ ଦେଲା ମାଆ
ଦୁନିଆ ଦେଖିଲି ମୁହିଁ
ତାହାରି ତନୁର ଅମୃତ ଝରୁଛି
ମୋ' ଦେହେ ରକତ ହୋଇ ।
ଅମୂଲ୍ୟ ସେନେହ ମମତା ଅଜାଡି
ଜୀବନ ଗଢ଼ିଛି ମୋର
ଚାଲି ଶିଖାଇଛି ହାତେ ହାତ ଧରି
ଭୟଭ୍ରାନ୍ତି କରି ଦୂର ।
ସମାଜ ସଂସ୍କାର ଶିଖାଇଛି ସିଏ
ସାଜି ପଥ ପ୍ରଦର୍ଶକ
ଦୁହିତାର ଧର୍ମ ପାଳିବା ନିମନ୍ତେ
କରିଅଛି ମୋତେ ସକ୍ଷ ।
ତା'ର କୋଳ ଭୁଲି ପରଘରେ ଆସି
ହୋଇଲି ଯେବେ ମୁଁ ଦୁଃଖୀ
ଶାଶୂ ମାଆ ମୋତେ କୋଳେଇ ତ ନେଲେ
ମଥାରେ ହାତକୁ ରଖି ।
ମାଆର ମମତା ଶାଶୂ ଢାଳିଦେଲେ
ନକରି ସେ ହତାଦର
ତାଙ୍କରି ସେନେହ ନିଜର ସାଜିଛି
ଅଜଣା ଅଚିହ୍ନା ଘର ।
ପ୍ରଥମ ଗୁରୁ ମା' ଶାଶୂ ମଧ୍ୟ ଗୁରୁ
ଦୁହିଁଙ୍କୁ ମୋ' ପ୍ରଣିପାତ
ତାଙ୍କରି ଆଶିଷେ ସୁଖେ ଗଡୁଅଛି
ସଂସାରେ ଜୀବନ ରଥ ।