ନୀଳାଚଳ ରସିକ ମଣି

କି ସୁନ୍ଦର ତୋର ବାଙ୍କ ଚାହାଣୀ l

ବଙ୍କିମ ଅଧରେ ବଙ୍କା ବଙ୍କା ହସ 

କ୍ଷଣିକରେ ନେଉ ହୃଦୟ କିଣି l

  ନୀଳାଚଳ ରସିକ ମଣି ...ll

ନୀଳକନ୍ଦରରେ ଭାଇ ଭଗ୍ନୀ ସାଥେ 

 ବିଜେ କରି ପ୍ରଭୁ କମଳ ପାଣି l

 ଷାଠିଏ ପଉଟି ଭୋଗ ପରସନ୍ତି 

ମହାଲକ୍ଷ୍ମୀ ମାଆ ସିନ୍ଧୁ ଦୁଲଣୀ l

  ନୀଳାଚଳ ରସିକ ମଣି ...ll

ସତ୍ୟଯୁଗେ ପ୍ରଭୁ ହେଲ ଅବତାର 

ଧରଣୀ ଧାରଣ ଉଦ୍ଧାର ବାଣୀ l

ନରସିଂହ ରୂପେ ହିରଣ୍ୟ ବିଦାରି 

 ଧ୍ରୁବ ପ୍ରହଲ୍ଲାଦ ଭକତ ଶ୍ରେଣୀ l

  ନୀଳାଚଳ ରସିକ ମଣି...ll

ତ୍ରେତୟା ଯୁଗରେ ରାମ ଅବତାରେ 

 ତପୀଙ୍କୁ ମୋହିଲ ଭାବକୁ ଜାଣି l

ପଥରେ ତାରିଲ ପଥର ନାରୀକୁ 

 ବିଦେହକୁମାରୀ ହୃଦୟ ମଣି l

  ନୀଳାଚଳ ରସିକ ମଣି ...ll

ଦ୍ଵାପରେ ଗୋପରେ ଗୋପିଙ୍କ ରସିକ 

ବରଜ ରାଜ, ସେ ରସିକା ଶ୍ରେଣୀ l

ଗୋପ ଛାଡ଼ି ପୁଣି ମଥୁରାକୁ ଗଲ

 ଅନାଥ କରିଲ ବ୍ରଜ ତରୁଣୀ l

  ନୀଳାଚଳ ରସିକ ମଣି ...ll

ମାନ ଉଦ୍ଧାରଣ ଦ୍ରୌପଦୀର ମାନ 

କୋଟି ବସ୍ତ୍ର ଦେଲ ଶୁନ୍ୟ ଛାଉଣୀ l

 ପାପୀ ଅଜାମିଳ ଶୁଣିଲ ବିକଳ 

  ଶୁଣିଛି ମୁଁ ତାରିଅଛ ମୃଗୁଣୀ l

  ନୀଳାଚଳ ରସିକ ମଣି ... ll 

ଆହେ ଦାରୁବ୍ରହ୍ମ ! ତୁମେ ପୁର୍ଣ୍ଣବ୍ରହ୍ମ !

 ତାରୁଅଛ ପରା ପାତକୀ ଶ୍ରେଣୀ l

ନୀଳଚକ୍ରେ ନେତ ଉଡ଼ାଇ ଅଛ ତ 

ଜଣାଣ ଘେନ ମୋ ରଥାଙ୍ଗପାଣି l

  ନୀଳାଚଳ ରସିକ ମଣି l