Independence Day Book Fair - 75% flat discount all physical books and all E-books for free! Use coupon code "FREE75". Click here
Independence Day Book Fair - 75% flat discount all physical books and all E-books for free! Use coupon code "FREE75". Click here

Anita Dash

Abstract Others


4  

Anita Dash

Abstract Others


ମାଟି ଦୀପ

ମାଟି ଦୀପ

1 min 76 1 min 76


ସାଧା ସିଧା ତନୁ ସରଳ ଗଢ଼ଣ

ମେଞ୍ଚାଏ ଚିକିଟା ମାଟି,

କାହିଁକି ଖୋଜୁଛ ମୋ ଠାରେ ଚମକ

କଂସା ପିତ୍ତଳର ପୁଟ୍ଟୀ I

ଦେହକୁ ତତେଇ ଆଲୋକ ବିଛେଇ

ତମସା ଦୁରେଇ ଖୁସି,

ଚେନାଏ ରଶ୍ମିର ଝଲକ, ଖୋଜେନା

ବିଜୁଳି ବତୀର ଜ୍ୟୋତି I

ରାଜା ଉଆସର ଆଶରା ଖୋଜେନା

ମୋ ମୂଲ ମୁଁ ଅବଗତ,

ଗରୀବର ମାଟି କୁଡ଼ିଆରେ ସ୍ଥାନ

ପାଇ ମୁଁ ସନ୍ତୋଷ ଚିତ୍ତ I

ସେନେହ ମମତା ଆଦର ଯତନେ

ମାଟି କୁଡ଼ିଆ ସରଗ,

ହତାଦର ଆଉ ଅପମାନ ଭରା

ଉଆସ ନରକ ଭୋଗ I

ଚେନାଏ ଆଲୋକ କରିପାରେ ଚେନେ

ବହଳ ଅନ୍ଧାର ସଫା,

ଅତି ମୁଲ୍ୟାୟନେ ମୂଲେଇ କରନା

ଅବ ମୁଲ୍ୟାୟନେ ଅଵା I

ଦେବଦେବୀ ପୂଜା ସ୍ଥଳ ହେଉ ଅଵା

ମୃତ ଘଟ କ୍ରିୟା କର୍ମ,

ସ୍ଥାନ କାଳ ପାତ୍ର ଭେଦ ମୁଁ ଦେଖେନି

ଜଳିବା ମୋହର ଧର୍ମ I

ବାସ୍ତବ ମାନର ତଉଲରେ ତୋଳି

ନିଅ ମୋତେ ଆପଣେଇ,

ଦେହ ଥିବା ଯାଏଁ ଜଳି କେତେ ଶୁଭ

ମନାସିବି ତୁମ ପାଇଁ I

ଭଙ୍ଗୁର ତନୁରେ କଅଁଳ ମନଟି

ଯତନରେ ତୋଳି ଧର,

କଂସା ପିତ୍ତଳର ଶକତି ନାହିଁ ମୋ

ହୋଇଯିବି ଚୁରୁମାର ।

ସୁଠାମ ସୁଢଳ ଚମକ ଶରୀର

ସିନା ଈଶ୍ୱରୀୟ ଦାନ

ସୁଗୁଣେ ବିକଶି କଳୁଷ ବିନାଶି

ନିଜକୁ ମଣଇ ଧନ୍ୟ I


Rate this content
Log in

More oriya poem from Anita Dash

Similar oriya poem from Abstract