ହେ କଳାଠାକୁର

 ହେ କଳାଠାକୁର ହେ କଳାଠାକୁର

ଡେଣାଟି ଖଞ୍ଜି ଦେ ବାହୁରେ ମୋର

ଉଡି ଉଡି ଯିବି ତୋ ଶ୍ରୀ ମନ୍ଦିରକୁ

ମନ୍ଦିରେ ଦେଖିବି ଶ୍ରୀ ମୁଖ ତୋର ।

ଯେତେ କଟକଣା ହେଉ ଏ ସଂସାରେ

କଟକଣା ଭାବି ଯିବି ତୋ ଦୁଆରେ

ଦେଖୁଥିବି ସେଠି କଳାବଦନକୁ

ମନା କରିବେନି କେହି ଏଥର ।

ବୁଲିବି ବେଢାରେ ଆନନ୍ଦ ବଜାରେ

ଖୁଣ୍ଟିବି ନିର୍ମାଲ୍ୟ ଆଣିବି ସାଥିରେ

ଘରେ ରହୁଥିବି ତୋତେ ଧ୍ୟାୟୁ ଥିବି

ନିତି ପାଉଥିବି ନିର୍ମାଲ୍ୟ ତୋର ।

ଆଣିବି ତୋ ଠାରୁ ମୁଁ ଛଡା ତୁଳସୀ

ଘରେ ନିତି ତାକୁ  ପୂଜିବି  ବସି

ସେ ତୁଳସୀ ହାରେ ଦେଖିବି ତୋ ରୂପ

ଦେଖି ଧନ୍ୟ ହେବ ଜୀବନ ମୋର।