ମାତୃଭାଷା
ମାତୃଭାଷା
ମାଆର କୋଳରେ ପ୍ରଥମ ଶବଦ
ସତେ କେଡେ ମଧୁମିଶା
ଚପଳଶିଶୁଟି କାନଡେରିଥାଏ
ଶୁଣିବାକୁ ମାତୃଭାଷା ;
ମାଆ କୋଳେ ଥାଇ ଶିଶୁଟିଏ ସିନା
ପଣତରେ ଖେଳୁଥାଏ
ସେହି ଶିଶୁ ଦିନେ ଅ ଠାରୁ ପୁଣି
ଖେଳେ ଚନ୍ଦ୍ରବିନ୍ଦୁ ଯାଏ,
ଚନ୍ଦ୍ରବିନ୍ଦୁ ନୁହେଁ ଚାନ୍ଦଦେଶରେ ସେ
ପାଦ ରଖି ଫେରିଆସେ,
ଅତି ଆନନ୍ଦରେ ଝରୁଥିବା ଭାଷା
ମାତୃଭାଷା ବୋଲି ବାସେ ;
ମାତୃଭାଷାର ମାଧ୍ୟମରେ ଆମେ
ଶିଖିଲେ ଭାଷା ଅନେକ,
ଆମ ମାତୃଭାଷା ମାତୃଭୂମି ମାତା
ଯୁଗେ ଯୁଗେ ଥାଉ ଟେକ ||