ଅନୁଲୋମ ବିବାହ

ମଧୁପୁଷ୍ପଛୁଆଁ ପବିତ୍ରତାଭରା 

ବିଶ୍ୱାସର ଡୋରଟିଏ, 

ଦୁଇ ମନ ଆତ୍ମା ସମ୍ମିଳିତ ଯେହୁ 

ବିବାହ ବନ୍ଧନ ସିଏ ;

ଜାତିପ୍ରଥା କୁସଂସ୍କାର ଆସ୍ତରଣ 

ଆଜି ବି ମାନବ ହୃଦେ, 

ଦୁଇଟି କୋମଳ ପ୍ରେମୀଙ୍କ ଜୀବନ 

ଚିତ୍କାରେ ଅତଳ ହ୍ରଦେ ;

ଯୋଧଵାଈ ପୁଣି ହିନ୍ଦୁକୁଳେ ଜନ୍ମି 

ମୋଗଲର ରାଣୀ ହେଲେ, 

ଅଖଣ୍ଡ ଶକ୍ତିର ପାରଦର୍ଶିତାରେ 

ଇତିହାସ ରଚିଗଲେ ;

ରାମାୟଣ ପୋଥି ଛୁଇଁଦେଲେ ଥରେ 

ଏଇ କଥା ଉଙ୍କିମାରେ, 

ବ୍ରାହ୍ମଣକୁଳରେ ଦଶାନନ ଥାଇ 

ମନ୍ଦୋଦରୀ ହାତ ଧରେ ;  

ଭକ୍ତ ଶାଲବେଗ ହାତରୁ ନଡ଼ିଆ 

ମହାପ୍ରଭୁ ତୋଳିନେଲେ, 

ବ୍ରାହ୍ମଣକୁଳରେ ମାତାଙ୍କ ଜନମ 

ପିତା ମୁସଲମାନ ଥିଲେ ;

ଇତିହାସ କହେ ପୁରାଣ ବି କହେ 

ସମାଜ କହୁଛି ଆଜି, 

ଜାତିପ୍ରଥା ଛାଡି ମନ ବନ୍ଧନକୁ 

ସ୍ୱୀକୃତି ଦିଅ ହେ ଆଜି ||