ତଥାପି ମାନବ ହାରିବନି
ତଥାପି ମାନବ ହାରିବନି
ଫାଙ୍କା ଫାଙ୍କା ଲାଗେ
ରାଜପଥ ଆଜି
ଶୁନଶାନ ଲାଗେ ସହର
ଅସରା ଆତଙ୍କ
କରେ ଭୀତତ୍ରସ୍ତ
ମନ ପ୍ରାଣ ବିଷ ଜହର ।
କରୋନା ଭୂତାଣୁ
ଗ୍ରାସିଅଛି ଯେଣୁ
ଅସହାୟେ କଂପଇ ଧରା
ମୃତ୍ୟୁର ତାଣ୍ଡବ
ମାନବ ନିଷ୍ପ୍ରଭ
ଜୀବନ ଖୋଜୁଛି ସାହାରା ।
ଅନ୍ୟକୁ ବଂଚାଇଁ
ନିଜେ ବଞ୍ଚିବାର
ସପନ ଆଜି ନିରୁଦ୍ଦିଷ୍ଟ
ମହାମାରୀ କୋପ
ପ୍ରବଳ ପ୍ରତାପ
ରକ୍ତବିର୍ଯ୍ୟା ଖୋଜଇ ରକ୍ତ ।
ଘାଇଲା ଭୂତାଣୁ
ଘାଇଲା କରୁଛି
ଜୟଯାତ୍ରା ରଖିଛି ଜାରି
ସବୁ ମତ ପଥ
ଚେଷ୍ଟା ହୁଏ ବ୍ୟର୍ଥ
ବୈରତା କରେ ମହାମାରୀ ।
ତଥାପି ମାନବ
ଜାତି ହାରିବନି
ସଂଗ୍ରାମକୁ ରଖିବ ଜାରି
ସଦାଚାର ପଥ
ଆଚରି ଜୀବନେ
ଲୁପ୍ତ କରିବ ମହାମାରୀ ।