ନଦୀ, ବୁଢିଆଣୀ, ପିମ୍ପୁଡି ଓ ମୁଁ

ନଦୀ

ବନ୍ଧୁର ପଥରେ ଅନାୟାସେ ଚାଲିଛୁ

ଅମା ଅନ୍ଧାରରେ ଲକ୍ଷ୍ୟକୁ ଦେଖୁଛୁ

ମତେ ବି ତ ରାସ୍ତା ଟିକେ କହ

ଆଗରେ ତୋ ବାଧା ବିଘ୍ନ ଥିଲେ

ସତରେ ତୁ କେମିତି ଯାଉଛୁ

ବୁଢିଆଣୀ

କେତେ ନିପୂଣତାରେ ତୋ ଘର ଗଢୁଛୁ

କେତେ ବିଶ୍ୱାସରେ ତୁ ତୋ କାମ କରୁଛୁ

ମତେ ବି ତ ରାସ୍ତା ଟିକେ କହ

ଛିଡି ଯାଉଥିବା ସୁତା ଖିଅକୁ

ସତରେ ତୁ କେମିତି ଯୋଡୁଛୁ

ପିମ୍ପୁଡି

ଯେତିକି ଚଢୁଛୁ, ସେତିକି ଖସୁଛୁ

ତଥାପି ଚେଷ୍ଟାରେ ଅଟଳ ରହୁଛୁ

ମତେ ବି ତ ରାସ୍ତା ଟିକେ କହ

ବାରମ୍ବାର ବିଫଳତା ପରେ

ସତରେ ତୁ କେମିତି ଉଠୁଛୁ

ମୁଁ

କୋମଳ ନିର୍ମଳ ମନଟେ ରଖିବି

ବିଶ୍ୱାସ, ନିଷ୍ଠାରେ କାମ କରିଯିବି

ଶିଖିଲି ତୁମଠୁ ଏଇ କଥା ସବୁ

ଲକ୍ଷ୍ୟ ନଆସିଲେ କେବେ ନଥକିବି