ସମୃଦ୍ଧି ପରବ ଏ ରକ୍ଷାବନ୍ଧନ
ସମୃଦ୍ଧି ପରବ ଏ ରକ୍ଷାବନ୍ଧନ
ପୁରାଣେ ବର୍ଣ୍ଣିତ ସମୃଦ୍ଧି ପରବ
ଏ ରକ୍ଷା ବନ୍ଧନ ମିତ ;
ହୃଦୟ ସହିତ ହୃଦୟକୁ ଯୋଡେ
ଭଗ୍ନୀ ପ୍ରେମ ସନ୍ନିହିତ !
ଭାବ ବନ୍ଧନରେ ଭଗ୍ନୀ ହଜିଯାଏ
ଆଶାର ପ୍ରଦୀପ ଜାଳି ;
ଭାଇ ଏକା ତା'ର ପ୍ରିୟ ସହୋଦର
ଭଗ୍ନୀ ଦେବୀ କରେ ଅଳି !
ଅତି ଶରଧାରେ ସୂତା ଖିଅ ବାନ୍ଧେ
ମଙ୍ଗଳ କାମନା କରି ;
ହେ ସୁନା ଭାଇ ଯିବୁ ନାହିଁ ହାରି
ଚାଲିବି ତୋ ହାତ ଧରି !
ପବିତ୍ର ସମ୍ପର୍କ ଅତି ସୁମଧୁର
ଆଦର୍ଶରେ ଆଦର୍ଶିତା;
ଭଗ୍ନୀ କହେ କଥା ସମ୍ପର୍କ କୁହୁକେ
ଭାଇ ମୋ ଜଗତ ଜିତା !
ଛାଇ ପରି ଭାଇ ରହି ଥିବୁ ସଦା
ଏଇ ତୋ' ଭଗିନୀ ଆଶା;
ବିପଦ ଆପଦେ ହବୁ ମୋର ସାହା
ଏଇ ମୋ ହୃଦୟ ଭାଷା !
ଦେଶ ମାତୃକାର ସୀମାର ସୈନିକ
ଜନନୀର ଯୋଗ୍ୟ ସୁତ ;
ଏ ଭାରତ ଦେଶ ତୋ' ପରାଣ ମିତ
ତୁହିଁ ମୋ' ହୃଦ ସଙ୍ଗାତ !
କରିଛି ପ୍ରତୀକ୍ଷା ହେ ମହାନ ଆତ୍ମା
କୁଶଳେ ଆସିବ ନୀଡ଼େ ;
ରାକ୍ଷୀ ପୂର୍ଣିମା ରେ ଚନ୍ଦ୍ରମା ହସିବ
ଭଗିନୀ ଦୁଲଣୀ କୋଳେ !
ସଦାନନ୍ଦ ସାହୁ ଧୁରୁଷିଆ ; ଆଠଗଡ଼ ; କଟକ ;