କୃଷକ
କୃଷକ
1 min
334
ଯଉବନ ଅବା ଶୈଶବ ବାର୍ଦ୍ଧକ୍ୟ
ଜୀବର ଜୀବନ ଅନ୍ନ
ମାନବ ଜୀବନ ହଳ ଲଙ୍ଗଳରେ
ନାଶିଥାଇ ଅନାଟନ। (୧)
ଫଗୁଣରେ ଚଷ କୁଟୁମ୍ବକୁ ପୋଷ
କରି ବପିତ ବିହନ
ଆଷାଢ ମାସର ଶୁଭ ଅନୁକୂଳ
କରି ବୁଣା-ବେଉଷଣ। (୨)
ଶିକ୍ଷିତ ଉନ୍ନତ କୃଷି ନିୟୋଜିତେ
ବଢିବ ଅମଳ ମାନ
ମାଟିର ମଣିଷ ମାଟି ସାଥେ ଲଢି
ଫୁଟାଇବା ଆସ ସ୍ବର୍ଣ୍ଣ। (୩)
ଶିରାବଣ ଧାରା କରି ବେଖାତର
କରିଲେ ଖେତରେ କାମ
ହାଡଥରା ଶୀତେ ଅମଳେ ତୋଳିବା
ସୁନାର ଜଗତ ଆମ। (୪)
କୃଷିର ବିହୁନେ ପ୍ରଗତିର ହାନି
କୁବେର ବି ମାଗେ ଭିକ
ଭାଗ୍ୟ ଭବିଷ୍ୟତ ଆମରି ହାତରେ
ହୋଇବା ଆସ କୃଷକ। (୫)