ପୁତ୍ର ନାହଁ ମାଆ କୋଳେ
ପୁତ୍ର ନାହଁ ମାଆ କୋଳେ
ତାଳ ଓ ତମାଳ ବନରାଜି ନୀଳ
ଶୋଭା ମୋ ଜନମ ଭୂଇଁ
ଗ୍ରାମ୍ଯ ଉପାନ୍ତରେ କଳା କୁଞ୍ଜବର
ପଲ୍ଲୀ ବୋଧୁ ଯାଏ ନଇଁ। {୧}
ପଲ୍ଲୀ ନଦୀ ଘାଟ ଗ୍ରାମ ଧେନୁ ଗୋଠ
ମାଆ ମଙ୍ଗଳା ମନ୍ଦିର
ଚାଟଶାଳୀ ଚାଟ ଦରୋଟି ତୁଣ୍ଡର
ନିଖୁଣର ଶିଳ୍ପୀତ୍ୱର। {୨}
ସିନ୍ଦୁରା ଫଟାଇ ଅରୁଣ ଲାଲିମା
ପୂରୁବରେ ବିରାଜନ୍ତି
ବଧୂ ସମାର୍ଜନ କରେ ଗୃହାଙ୍ଗଣ
ପୂଜେନିତି ବୃନ୍ଦାବତୀ। {୩}
ମଙ୍ଗଳ ଆଳତୀ ଶୁଭ ଶଙ୍ଖଧ୍ୱନି
ଶୁଭେ ଖୋଳ, ଗିନି, ଘଣ୍ଟି
ଶିଶୁ ତୁଣ୍ଡେ ମୁଢି ଚୁଡାର ଆହାର
ବୃଦ୍ଧ ତୁଣ୍ଡେ ଦାନ୍ତ କାଠି। {୪}
ଖେତରୁ ବାହୁଡି ଆସେ କୃଷିବଳ
ଫେରଇ କ୍ଳାନ୍ତ ଗୋପାଳ
ଭାଗବତ ଘରୁ ଶ୍ରବଣ ହୁଅଇ
ବନ୍ଦେ ଶ୍ରୀଗୁରୁ ଚରଣ। {୫}
ଅବୋଧ ବାଳକେ ଜେଜେ ମାଆ ପାଶେ
ଶୁଣଇ କାହାଣୀ ପେଡି
ବୟସୀ ରାତିରେ ଖଦ୍ୟୋତ ଆଲୁଏ
ପେଚା ଶବଦର ରଡି। {୬}
ବୃକ୍ଷ ଅନ୍ତନାଡି କରତର କଳ
ତୋଟାମାଳ ତ ଶ୍ରୀହୀନ
ଆଜି ଶିକ୍ଷିତଙ୍କ କିଣା କିଂକରରେ
ପଲ୍ଲୀ ନଗର ଜୀବନ। {୭}
ସବୁଜର ଶୋଭା ନବଗଢା ଶିଳ୍ପେ
ଚିମିନିର ଧୂଆଁ ତଳେ
ଶସ୍ଯ କରି ହାସ୍ୟ ସାଜି ପଥ ଭିକ୍ଷା
ପୁତ୍ର ନାହଁ ମାଆ କୋଳେ। {୮}