ଅଦୃଶ୍ୟ ସଂପଦ

ବ୍ୟାପ୍ତ ବାରିଧିର ବିଶାଳର ଭୂମି 

ଅଟେ ଛବିଳ ଉତ୍କଳ 

ଆପଣା ଗରଭେ ଯତନେ ସଜାଇ

ରଖିଛି ଶସ୍ୟ ଶାମଳ। [୧]

ଅରଣ୍ୟ ସଂପଦ ଅଦୃଶ୍ୟ ସଂପଦ 

ମାଙ୍ଗାନିଜ କ୍ରୋମାଇଟ 

ଭରିଛି କୋଇଲା ଲୁହା ଗ୍ରାଫାଇଟ 

ନିକେଲ ବକସାଇଟ। [୨]

ମୟୁରଭଞ୍ଜ ଓ ସୁନ୍ଦରଗଡରେ 

କେନ୍ଦୁଝର ଯାଜପୁର 

ନିୟୁତ ନିୟୁତ ଲୌହର ପ୍ରସ୍ତର 

ପ୍ରକୃତିର ଗନ୍ତାଘର। [୩]

ପଥର କୋଇଲା ଖଣି ଭରି ଅଛି

ତାଳଚେର ରାମପୁରେ

ତାପଜ ବିଦ୍ୟୁତ ଦ୍ରବ୍ୟ ରଙ୍ଗ ଓଷ

ସାର ଉତ୍ପାଦନ କରେ। [୪]

ସୁନ୍ଦରଗଡର ବୀରମିତ୍ର ପୁର

କୋଟପାଡ କୋରାପୁଟ

ଚୂନ ପଥରରେ ମହଜୁଦ ଥାଇ 

ଉତ୍ପାଦଇ ତ ସିମେଣ୍ଟ। [୫]

ଆଧୁନିକ ଶିଳ୍ପ ଧାତୁ ମାଙ୍ଗାନିଜ 

ଓଡ଼ିଶାର ଅନ୍ୟତମ 

ରସାୟନ ଦ୍ରବ୍ୟ ଇସ୍ପାତ ବ୍ୟାଟେରୀ 

ପ୍ରସ୍ତୁତି କରଣ କାମ। [୬]

ତରଳ କରାଏ ବିବିଧ ଧାତୁକୁ 

ଅଟଇ ସେ ଗ୍ରାଫାଇଟ 

ବିଶେଷ ମିଳଇ ବଲାଙ୍ଗୀର ଗଡେ

କଳାହାଣ୍ଡି କୋରାପୁଟ। [୭]

ଷ୍ଟେନଲେସ ଷ୍ଟିଲ ନିର୍ମାଣେ ସହାୟ 

କ୍ରୋମାଇଟ ବ୍ୟବହୃତ 

ସୁକିନ୍ଦା ସୁତ୍ରାଙ୍ଗି କାଠ ପାଳ ଠାରେ

ସରୁଆବିଲେ ଗଚ୍ଛିତ। [୮]

ଓଡିଶା ଦରିଦ୍ର ଥାଇକି ସମ୍ପଦ 

ରହି କେତେ ଅନ୍ତରାୟ

 ଉତ୍ତୋଳନ କଲେ ଧାତବ ରାଶିକୁ 

ହୋଇବ ଐଶ୍ଚର୍ଯ୍ୟମୟ। [୯]