ମାଆ

ମାଆ ନାମ ମଧୁର ଅଟେ ସଂସାରେ

ଯା ନାମ ଧରିଲେ ଥରେ

ଆଖିରୁ ଲୁହ ଝରଇ ଝର ଝର

ସେ ହେଉଛି ଆମ ମାଆ ।

ଦଶମାସ ଦଶଦିନ ଗର୍ଭେ ଧରି

ସିଏ ଜନମ ଦେଇଛି

ତାହାରି ପାଇଁ ଆଜି ଆମେ ରେ

ସେ ହେଉଛି ଆମ ମାଆ। 

ମନ ମମତାର ସାତ ସାଗର ରେ

ଝରେ ଅମୃତର ଝର

ସେଇ ମାଁ ର ପଣତ କାନିରେ

ସେ ହେଉଛି ଆମ ମାଆ ।

କେତେ ଶ୍ରଦ୍ଧାସହ ଗାଇଦିଏ ଲୋରୀ

ସୁଆଇ ଦିଏ ଆମକୁ

ଜହ୍ନ ରାଇଜର ସପନ କୁନେଇ

ସେ ହେଉଛି ଆମ ମାଆ ।

ସିଖାଇଲା ଖାଇବା ଚାଲିବା ଯେବେ

ଆମେ ଛୋଟ ଥିବାବେଳେ

କେତେଯେ ଆମରି ଦୁଃଖେ ଦୁଃଖି ସିଏ

ସେ ହେଉଛି ଆମ ମାଆ ।

ନିଜେ ଦୁଃଖିରହି ଆମକୁ ହସାଏ

ରୋଗୁଁ ଆମକୁ ବଞ୍ଚାଇ

ନିଦ୍ରା ଅନିଦ୍ରା ହୋଇ ପଡିରହି

ସେ ହେଉଛି ଆମ ମାଆ  ।

ନିଜେ ଭୋକେ ରହି ଆମକୁ ଖୁଆଇ

ତା'ରି ମମତା ଛାଇରେ

ଆଜି ତ ବଡ ହେଇଛୁ ଆମେ

ସେ ହେଉଛି ଆମ ମାଆ ।

ଜଗତ ଜନନୀ ଦେବତୁଲ୍ଯ ସିଏ

ଯାପାଦେ ମଥା ନୁଆଏଁ

ଏଇ ସାରା ଦୁନିଆ

        ସେ ହେଉଛି ଆମ ମାଆ ।