କୋଟିଆ
କୋଟିଆ
ଓଡ଼ିଶା ମାଆର ଗୋଟିଏ ସେ ଅଙ୍ଗ
କୋଟିଆ ତାହାର ନାମ
ବଇରୀ ସାଜିଛି ପଡୋଶୀ ଆମର
ଛଡାଇ ତା ଗୁଣଗ୍ରାମ ।
ଏକକୁ କାଟିଲେ ଆରେକକୁ କାଟେ
ଏକଥା କିଏ ନ ଜାଣେ
ଚେଇଁ ଶୋଇଥିଲେ ବୁଝାଇବ କିଏ
କିଏ ଉଭା ହେବ ରଣେ ।
ଉଠ ଉଠ ଆରେ ଉତ୍କଳ ସନ୍ତାନ
ମଡା ନୁହଁ ,ନୁହଁ ଭୀରୁ
କିଏ ଛଡାଇବ ଭାଇକୁ ଆମର
ରକତ ତନ୍ତ୍ରୀରୁ ଝରୁ ।
ଐକ୍ୟବଦ୍ଧ ହୋଇ ବଜାଅରେ ଭେରୀ
କୋଟିଆ ଉଦ୍ଧାର ପାଇଁ
ମଧୁବାବୁ ପଣ ସମ୍ମିଳନୀ ମାନ
ଯୁଗଯୁଗ ଥାଉ ରହି ।
ରକତ ଟାଣିବ ରକତକୁ ପରା
ଚିହ୍ନିବ ପର ଆପଣା
ସମ ଭାବ ବହି ବନ୍ଧକୁ ବାନ୍ଧିଲେ
ଶତ୍ରୁ ହେବ ବାଟବଣା ।
ପର ଦରବକୁ ନିଜର ଯେ କରେ
ସିଏ ତ ପଶୁଠୁ ହୀନ
ନେଇନି କିଏ ଯେ ସୂଚୀଅଗ୍ରେ ଭୁମି
ଫେରଅଛି ଶମଶାନ ।