Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Jyochhna rani Devi

Romance

3  

Jyochhna rani Devi

Romance

ମାନିନୀ ଗୋ

ମାନିନୀ ଗୋ

1 min
146


ମାନିନୀ ଗୋ ତୁମ ଅଳସ ଆଖିରେ ସପନ ଭରିବା ପାଇଁ

ଯେତେ ଯା' କରମ ଛଡାଇ ସରମ କରୁଛି ତୁମରି ପାଇଁ ।


ନିଦଭରା ରାତି ମଧୁଝରା ତାତି ମଳିନ ହୋଇଛି ଆଜି

ନିଃଷ୍ପ୍ରାଣ ତୁମର ପାଦର ପାଉଁଜି କେଉଁଠି ଯାଇଛି ହଜି

ମାନ ଅଭିମାନ କୁହୁଳା ନିଆଁରେ ପାଉଁଶ କୁହୁଳେ ରହି ।

ମାନିନୀ ଗୋ.........


ଜୋଛନା ଲହଡି ତାରାଫୁଲ ଶେଯେ ଅଳସ ଭାଙ୍ଗୁଛି ଆଜି

ବନେ ଉପବନେ ଶେଫାଳିର ସାଜ ମଳିନ ମୁକୁର ମାଜି

ତୁମ ଗଭା ହାର ବାସର ଫୁଆରା ମଳିନ ରହିଛି କାହିଁ ।

ମାନିନୀ ଗୋ....


ମୁଗ୍ଧ ଗୋଧୁଳିର ସନ୍ଧ୍ୟାଧୂପ ତଳେ ତୁମ ପ୍ରୀତିଫୁଲ ମାୟା

ହଜାଉଥିଲା ମୋ ମନପକ୍ଷୀ ଦିନେ ହଜାଉଥିଲା ମୋ କାୟା

ବିତରି ପରଶ ମୋର ତନୁମନେ ସନ୍ତର୍ପଣେ  ତୁମ ଛାଇ ।

ମାନିନୀ ଗୋ.....


ସ୍ନିଗ୍ଧ ସରସୀ ନୀରଜା ସଖି ଗୋ ପୁନେଇର ମଧୁରାତି

ବର୍ଷିବ କେବେ ହର୍ଷିତ ଲପନେ ମମ ପରେ କୃପା ମୋତି

କରିଛି ପ୍ରତୀକ୍ଷା ଦିଅ ପ୍ରୀତି ଭିକ୍ଷା ସଦା ମୋର ପାଶେ ରହି ।

ମାନିନୀ ଗୋ .......



Rate this content
Log in