ଅଭିମାନ

ଅଭିମାନ ଅଭିଯୋଗ ଅନ୍ତରର ଦାଗ

କୁହୁଳାଏ ମନପ୍ରାଣ ବେଦନାର ତାଗ

ସଂଜ୍ଞାନରେ ଅଜ୍ଞାନରେ ବାଣୀର ସେ ମର୍ମ

ମର୍ମାହତ କରିଦିଏ ଚହଲାଇ ଧର୍ମ ।

ବିମର୍ଦ୍ଦନେ ଅଭିମାନ ବଢାଏ କେ ହାତ

ସଜାଡନ୍ତି କେତେଜଣ ଉଜୁଡିବା ଛାତ

ଅହଂକାର ଅହଙ୍କାରୀ ଶୁଣିଶୁଣି ବ୍ୟଥା

ଅଭିମାନ ମର୍ଜି କାନ୍ଦେ ଆପେ କୋଡି ମଥା ।

ଛାଡିପାରେ ନାହିଁ ନିଜ ସହଜାତ ଗୁଣ

ପରାସର ତ୍ରାସେ ଜଳେ ନ ଛାଡି ତ ଟାଣ

ଘନ କୁଜ୍ଝଟିକା ରୋଧେ ଅଗ୍ରଗାମୀ ପଥ

ତଥାପି ଛାଡେନା ମାନ ବଳ ଅପ୍ରମିତ ।

ଟିକେ ସ୍ନେହ ମିଠାକଥା ମଧୁସ୍ପର୍ଶୀ ପ୍ରୀତି

ଦଳିଦିଏ ନିଶେଷିଣ ଅଭିମାନ ରୀତି

ସଜାଡେ ଉଜୁଡୁଥିବା ସଂସାରର ପଥ

ଭିଜାଏ ମନର ଅଗ୍ନି ହରି ସବୁ ବଥ ।

ଫଟା କପାଳରେ ଯୋଡା ଯେବେ ଅଭିମାନ

ଆଶା ଶତଦଳ ହୁଏ କାକରେ ବିଲୀନ

ପ୍ରାଣ ସାଥେ ମଉଳେ ସେ ଅଭିମାନ ସ୍ଵର

ଆଶା ଆଶାବରୀ କୋହ ମ୍ଳାନ ଅଭିସାର ।