ସୂର୍ଯ୍ୟ କିରଣ

ତିନୋଟି ଜିନିଷ ମାଗଣାରେ ମିଳେ

  ଆଲୋକ ପଵନ ପାଣି

ସୂର୍ଯ୍ୟର କିରଣ ଆଲୋକ କାରଣ

   ପାରୁଥିବ ପିଲେ ଜାଣି |

ସୂର୍ଯ୍ୟଟି ସକଳ ଶକ୍ତିର ଆକର

   ସୌରଜଗତର ମଣି

ରବି ରଶ୍ମୀ ଖରା ଯୋଗୁଁ ହୁଏ ଧରା

   ସର୍ବ ସମ୍ପଦର ଖଣି |

ନବୋଦିତ ରବି ମନୋହର ଛବି

   କିରଣ କି ମଧୁମୟ

ଅନେକ ଦୁରୁହ ଚର୍ମ ରୋଗଚୟ

   କରିଥାଏ ନିରାମୟ |

କୁଷ୍ଠ କରକଟ ଦମନେ ଉତ୍କଟ

   ଅତିବାଇଗଣୀ ରଶ୍ମୀ

ଦାନ କରେ ନିତ୍ୟ ବାୟୁ ବିଶୋଧିତ

  କରଇ ଜୀବାଣୁ ଧ୍ୱଂସୀ |

ଖରା ଯୋଗୁଁ ଧରା ଉର୍ବରତା ପରା

   ହୋଇଥାଏ ପରିବୃଦ୍ଧି

ସୌର ଶକ୍ତିବଳେ କାରଖାନା ଚଳେ

  ବଢ଼େ ମାନବ ସମୃଦ୍ଧି |

ଲଭି ସୂର୍ଯ୍ୟତାପ ଜଳ ହୁଏ ବାଷ୍ପ

  ମେଘର ହୁଅଇ ସୃଷ୍ଟି

ସର୍ଜି ଜଳଚକ୍ର ପାଳେ ଏ ଜଗତ

  ତାହାଯୋଗୁ ହୁଏ ବୃଷ୍ଟି |

ଉଦ୍ଭିଦର ଖାଦ୍ୟ ପ୍ରସ୍ତୁତିରେ ଆଦ୍ୟ

  ଲୋଡ଼ା ହୁଏ ସୂର୍ଯ୍ୟାଲୋକ

ସୂର୍ଯ୍ୟ ଆଲୋକରେ ବରଫ ତରଳେ

  ନଦୀହୁଏ ଚିରସ୍ରୋତ |

ସକଳ ଖଣିଜ ଜୈବ ବିବର୍ତ୍ତନ

  ପାଇଁ ସୂର୍ଯ୍ୟ ରଶ୍ମୀ ହିତ 

ସୂର୍ଯ୍ୟାଲୋକ ବିନା ଏ ଜଗତ ସିନା

   ହୋଇବ ମରୁ ପ୍ରତୀତ ।