ଜନରାଜ୍ୟ ଦିବସ

ଜନରାଜ୍ୟ ଦିବସ ଏ ଚଉସ୍ତରିତମ

ପାଳିବ ଭାରତ ଯାହା ବିଶ୍ୱେ ଅନୁପମ ।

ହସେ ଜଳ ସ୍ଥଳ ନଭ ସାଗର ସରିତ

ପ୍ରାଣେ ପ୍ରାଣେ ଉନ୍ମାଦନା ଆନନ୍ଦ ସ୍ଫୁରିତ ।

କମ୍ପିବ ପଲ୍ଲୀରୁ ଦ୍ବିଲ୍ଲୀ କୁଟୀରୁ ପ୍ରାସାଦ

ହଟିବ ଯୁଗ ଯୁଗର ଦୁଃଖ ଅବସାଦ ।

ହିମାଚଳ ଠାରୁ କନ୍ୟାକୁମାରୀ ପର୍ଯ୍ୟନ୍ତ

ଜାତିଧ୍ୱଜା ତଳେ ସର୍ବେ ହୋଇବା ଏକତ୍ର ।

ରାଷ୍ଟ୍ରପତି ଜାତି ହିତେ ଦେଵେ ଉଦବୋଧନ

ରାଇସିନାରେ ଉଡ଼ିବ ଜାତୀୟ କେତନ ।

ତିନି ବାହିନୀ ସହିତ ଆରକ୍ଷୀ ବାହିନୀ

ବୀରବାଦ୍ୟ ନୃତ୍ୟ ଗୀତେ କମ୍ପିବ ମେଦିନୀ ।

ଲାଲକିଲ୍ଲାରେ ତ୍ରିରଙ୍ଗା କରି ଉତ୍ତୋଳନ

ମୋଦି ଉଦବୋଧନେ ମୋହି ଦେଵେ ଜନମନ ।

ଘରେ ଘରେ ଜାତିଧ୍ୱଜା ହେବ ଉଡ଼ୟନ

ଅନୁଷ୍ଠାନ ବିଦ୍ୟାଳୟ ଭବନ ଭୁବନ ।

ବିଶ୍ଵଗୁରୁ ଆମଦେଶ ଜଗତେ ଅଗ୍ରଣୀ

ଚମକିବ ବିଶ୍ୱ ଦେଖି ଆମ୍ଭର କରଣି ।

ଜାତି ଧର୍ମ ବର୍ଣ୍ଣ ନିର୍ବିଶେଷେ ହୋଇ ଏକ

ପଣ କରି ରଖିବାଟି ଜନ୍ମ ଭୂମି ଟେକ ।