Library
Profile
ଆଧୁନିକ ନାରୀ
ଆଧୁନିକ ନାରୀ
ନାରୀ ମମତାମୟୀ
ଜନନୀ ଶୁଭଦାୟୀ
ଆଦ୍ଯାଶକ୍ତି ମଙ୍ଗଳମୟୀ,
ସୃଷ୍ଟି ଲୟ ସଂସ୍ଥିତି
ଶ୍ରଦ୍ଧା ସେନେହ ପ୍ରୀତି
ଅନୁପମା ସେ ଲାସ୍ୟମୟୀ ,
କମନୀୟା ସେ ପ୍ରେମମୟୀ
ସଂସାର ସଂଚାଳିକା
ଗୃହ ଅଭିଭାବିକା
ଅନନ୍ୟା ସାଧିକା ଚିନ୍ମୟୀ ॥ ୧॥
ପୁରାତନ ରମଣୀ
ଥିଲା ଘର ଘରଣୀ
ଏବେ ଆଧୁନିକ ଯୁଗରେ,
ସଭ୍ୟତାର ବିକାଶ
ନାରୀଙ୍କୁ କଲା ନାଶ
ପରିବର୍ତ୍ତିତ ସମାଜରେ,
ନାରୀ ପ୍ରବେଶ ସବୁଠାରେ
ଭୋଗବାଦର ବଳୟରେ,
ନାରୀ ଜାତି ମର୍ଯ୍ୟଦା
ନଷ୍ଟ କରି ସର୍ଵଦା
ବିଜ୍ଞାପିତା ନଗ୍ନ ଶରୀରେ ॥ ୨॥
ସର୍ବକାର୍ଯ୍ୟେ ପ୍ରବୀଣା
ସର୍ବକ୍ଷେତ୍ରେ ନିପୁଣା
ପୁରୁଷ ଠାରୁ ଆଗେ ଚାଲେ,
ଯେ ନାରୀ ନାରାୟଣୀ
ନୀଳମାୟା ବାୟାଣୀ
ଆୟୁଧ କରି ତନ୍ତ୍ର ଜାଲେ ।
ସ୍ଥାନ ପାତ୍ର ସମୟ ତାଳେ,
ସର୍ବତ୍ର ପୁରୁଷର ମେଳେ,
ଦ୍ୟୁତକକ୍ଷେ ବିରାଜି
ମଦିରାପାନେ ମଜ୍ଜି
କାମ ପିପାସା ଶାନ୍
ତ କଲେ ॥ ୩॥
ଯେ ଥିଲା ଗୃହଶିରୀ
ଆଜି ସେ ପଣ୍ୟକାରୀ
ଆଇନ ସହାୟତା ପାଇ,
ପୁରୁଷେ ପୁତ୍ତଳିକା
ସମ ନଚାଏ ଏକା
ନାନାବିଧ ମିଛେ ଫସାଇ,
ତିଳକୁ ତାଳ ପାରେ କହି
ଯା ଇଚ୍ଛା ସେ କରିପାରଇ
ନିୟମ ସରକାର
ରକ୍ଷାପାଇଁ ନାରୀର
ଦୁରୁପଯୋଗଟି ହୁଅଇ ॥ ୪॥
ନାରୀର ଅଧିକାର
ନ ହେଉ ସ୍ଵେଚ୍ଛାଚାର
ନାରୀ ରଖୁ ନିଜ ସଂଭ୍ରମ,
ପୁରୁଷ ନାଶଯଜ୍ଞ
ନକରୁ ହୋଇ ଅଜ୍ଞ
ପାଳନ କରୁ ନିଜ ଧର୍ମ,
ଭୂଷଣ ତା ଲାଜସରମ
ବୁଝୁ ସେ ସଂସାର ନିୟମ
ଆଧୁନିକତା ଛାଡି
ନ ଯାଉ ପଥ ହୁଡି
ନାରୀଙ୍କୁ ନିବେଦନ ମମ ॥ ୫॥
ହେ ଆଧୁନିକ ନାରୀ !
କୁବୃତ୍ତି ପରିହରି
ସୁପଥ ନିଅ ହେ ଆଦରି ,
ଲଭିବ ସନମାନ
ବଢିବ ନାରୀ ମାନ
ଏ ଉପଦେଶ ହେତୁ କରି,
ଗୋଡରେ କୁରାଢୀ ନ ମାରି,
ସମୟ ଅଛି ଆସ ଫେରି,
ପାରିବାରିକ ରୀତି
ପ୍ରଥା ନୀତି ସଂସ୍କୃତି
ପାଳନେ ନ ଯାଅ ବିସ୍ମରି ॥ ୬॥
