ଲାଇବ୍ରେରୀ
ପ୍ରୋଫାଇଲ୍
ଗଛ ଆମରି ମିତ
ଗଛ ଆମରି ମିତ
1 min
410
ଗଛ ଆମରି ମିତରେ ଭାଇ
ଗଛ ଆମରି ମିତ
ତାହାରି ସାଥେ କାଟୁଛୁ ଆମେ
ଖରା ବରଷା ଶୀତ।
ଆମକୁ ଦିଏ ଫୁଲ ଓ ଫଳ
ଆମରି ଦେହେ ଭରେ ସେ ବଳ
ତିଆରି ପାଇଁ ବଞ୍ଚିଛି ଆଜି
ଏଇ ଆମ ଜୀବଜଗତ।
ଆମକୁ ଦିଏ ଅମଳଜାନ
ଖରାରେ ଛାଇ କରଇ ଦାନ
ବରଷା ହୁଏ ତାହାରି ପାଇଁ
ତାପରି କେହି ନାହିଁ।
ଗଛରୁ ଆମେ ଜାଳେଣି ପାଉ
କାଠରେ ତାର ଘର ବନଉ
ହୁଏ ଆସବାବ ପତ୍ର ରେ
ହୁଏ ଆସବାବ ପତ୍ର।
ଆସରେ ଭାଇ ଗଛ ଲଗାଇ
ତା ସାଥେ ବସିବା ମିତ
ଗଛକୁ କେବେ ହାଣିବା ନାହିଁ
କରିବା ଆମେ ଶପଥ।
