ତୁ.....ତୁ

ତୁ ନଈ ଆମ ଗାଁ ବାଟରେ

ମୁଁ ନାଆ ସେହି କୂଳ ଘାଟରେ

ତୁ ଥିଲେ ମୁଁ

ସାଁଉଟିନିଏରେ 

ବାଲିଗରଡାକୁ, ମୁକ୍ତାରେ। 

ତୁ ରାତି ମୋ ଆଖିର ପତାରେ

ମୁଁ ସ୍ୱପ୍ନ, ତୋ ପାହାନ୍ତି ନିଦରେ

ତୁ ଥିଲେ ମୁଁ

ଫୁଲ ହୋଇ ଫୁଟେ 

ରଂଗ ବୁଣେ ତୋ ପ୍ରୀତି ରେ। 

ତୁ ଜହ୍ନ, ମୋ ଆକାଶି ମନରେ

ମୁଁ ଜୋସ୍ନା, ତୋ ଚାନ୍ଦିନୀ ଓଠରେ

ତୁ ଥିଲେ ମୁଁ

କଇଁ ହୋଇଯାଏ 

ରହି ଝୁରେ କେତେ ଦୂରରେ । 

ମୁଁ ଗୀତ ତୋ ବଂଶୀ, ସ୍ୱନରେ

ତୁ କୁର୍ଷ୍ଣ ମୋ ଯମୁନା କୂଳରେ

ତୁ ଥିଲେ ମୁଁ

ମେଘ ହୋଇଯାଏ

ବର୍ଷିଯାଏ, ଖାଲି ପ୍ରେମରେ। 

ତୁ ମୋ ସକାଳର ଗୀତିରେ 

ମୁଁ ତୋର ସଂଜବେଳ ଚିଠିରେ

ତୁ ଥିଲେ ମୁଁ

ତୋତେପଢୁଥାଏ,

ତୁ ମୋ ପ୍ରିୟସାଥିରେ।