ଲାଇବ୍ରେରୀ
ପ୍ରୋଫାଇଲ୍
ଶ୍ରାବଣ
ଶ୍ରାବଣ
1 min
438
ଶ୍ରାବଣ ମେଘରେ
ଜୀବନର ଚିତ୍ର
ଝରଝର ଯାଏ ବରଷି
ଭିଜିଲା ମାଟିର ଓଠରେ ଦରଦ
ସବୁଜ ସ୍ୱପ୍ନରେ ତରସୀ।
ଚର୍ତୁମାସ୍ୟା ବ୍ରତ
ଜଳ ଅଭିଷେକ
ଜୟ ଜୟ ଶିବା ପତି
କଉଡିଆ ଭାଇ କାଉଡି କାନ୍ଧେଇ
ମାନସିକେ କରେ ବୀନତି ।
କ୍ଷେତବାଡିବିଲ
ଖୋଜୁଥାଏ ମୂଲ୍ଯ
ଚଷାଭାଇ ହାତ ହାତେଇ
ଓଢଣୀ ଆଡେଇ କଇଁପୁଲରାଣୀ
ହସୁଥାଏ ମୁହଁ ଲୁଚେଇ।
ଶ୍ରାବଣୀ ଶ୍ରାବଣ
ଭାରି ତପୋମୟ
ଶ୍ରବଣା ନକ୍ଷତ୍ର ଆଭାରୀ
ଚାରୁ ଚିତ୍ର ମୟ ପ୍ରକୃତି ସୁନ୍ଦରୀ
ମଧୁମୟ ପ୍ରୀତି ଆବୋରୀ
ଚିତାଲାଗି ହୁଏ
ଅମାବାସ୍ଯା ଦିନ
ଧଳା, ନୀଳ ରଂଗ ନାଲି
ତିନିଠାକୁରଙ୍କ ଲୀଳାମୟ ରୂପ
ଅପୂର୍ବ ସୁନ୍ଦର ଠାଣି।
ଶ୍ରାବଣ ସନନ୍ଦ
ଅଟେ ମହାନନ୍ଦ
ଗହ୍ମାପୂର୍ଣିମା ର ଡୋରୀ
ଶୁଖିଲା ନଈଟିଭରା ଯୌବନରେ
ବନ୍ଧବାଡେ ମାନମାରୀ।
