ଶ୍ରୀଗୁରୁ ବନ୍ଦନା
ଶ୍ରୀଗୁରୁ ବନ୍ଦନା
ଗୁରୁ ବ୍ରହ୍ମା ଗୁରୁ ବିଷ୍ଣୁ ଗୁରୁଦେବ ମହେଶ୍ୱର
ଆଦ୍ଯ ଗୁରୁ ପରଂବ୍ରହ୍ମ ଗୁରୁ ପଦେ ନମସ୍କାର
ଗୁରୁ ଆଲୋକରଧାରା ଆମ ପଥପ୍ରଦର୍ଶକ
ଗୁରୁ ସତ୍ୟ ଶାନ୍ତିଦାତା ସଦଜ୍ଞାନ ପ୍ରଦାୟକ
ଗୁରୁ ଗତି ମୁକ୍ତିଦାତା ଗୁରୁ କରୁଣାଭଣ୍ଡାର
ଗୁରୁ ସତ୍ୟସନାତନ ନିତ୍ୟ ସର୍ବ ଶୁଭଙ୍କର
ଗୁରୁ ସର୍ବ ପାପହାରୀ ସଦା କ୍ଷମାର ମୂରତି
ଗୁରୁ ବୁଦ୍ଧିପ୍ରଦାୟକ ଅମଳିନ ଦିବ୍ଯଜ୍ୟୋତି
ଗୁରୁ ବିନା କାହିଁ ମୋକ୍ଷ ଏଇ ଭବସାଗରରେ
ଗୁରୁ କାଳଜୟୀ ପରା ଅଗ୍ରଗଣ୍ୟ ସମାଜରେ
ଗୁରୁଦେବ ପାଦତଳେ ନତ ରହୁ ଆମ ମଥା ।
ଗୁରୁ ହେ ଆଶିଷ ଦିଅ ସର୍ବମଙ୍ଗଳ କରତା
ଗୁରୁତୁମେ ତ୍ରାଣକର୍ତ୍ତା ଦିବ୍ୟଆଲୋକବର୍ତ୍ତିକା
ଭକତି ସୁମନ ଘେନ ଗୁରୁଦେବ ଦିଅ ଦେଖା
ତୁମ ପଦପଙ୍କଜରେ ମୁହିଁ ଜଣାଏ ପ୍ରଣତି
ଦୀନହୀନ ଅକିଞ୍ଚନ ଦିଅ ମତେ ସଦଗତି
ଗୁରୁ ତୁମେ ପରାତ୍ପର ଏଇ ନିଖିଳ ବିଶ୍ଵର
ତୁମ ଅଭୟ ପରଶେ ମୁର୍ଖ ପଣ ଦୂରକର
ସତ୍ୟ ଶାନ୍ତି ଦୟା କ୍ଷମା ଗୁଣ ଦିଅ ପ୍ରାଣେ ଭରି
ତୁମର ମହିମା ଗାଇ ମୋର ଦିନ ଯାଉ ସରି
ଗୁରୁଦେବ ଆଖିଲୁହେ ଧୋଇଦେବି ପଦ୍ମପାଦ
ଚିରଦିନ ପାଉଥିବି ତୁମ ଅକ୍ଷୟ ପ୍ରସାଦ ।