Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

Prasanna Kumar Madala

Inspirational


3  

Prasanna Kumar Madala

Inspirational


ଧର୍ମଛଡ଼ା

ଧର୍ମଛଡ଼ା

1 min 163 1 min 163


ଅଳୀକ ବନ୍ଧନେ     ଉପାର୍ଜିତ ଧନେ

ପ୍ରିୟ ପରିଜନେ ପୋଷି

ଅନୀତିରେ ଚଳି      ଧୃତରାଷ୍ଟ୍ର ଭଳି

ଧର୍ମଦ୍ୱାରେ ହେଲି ଦୋଷୀ ।


ଅନ୍ତରାତ୍ମା ସାକ୍ଷୀ     ଅନ୍ଧ ଥିଲା ଆଖି

ପକ୍ଷପାତେ ଅନୁଦାରେ

ବଞ୍ଚି ସ୍ୱାର୍ଥ ମୋହେ   ଅପକର୍ମ ଦ୍ରୋହେ

ନିନ୍ଦିତ ମୁଁ ବସୁଧାରେ ।


ଠୁଳ କଲି ଯାହା    ବୋଧହୁଏ ତାହା

ଅଧର୍ମ ହିଁ ଅପ୍ରମିତ

ସଂଗ୍ରହର ଇଚ୍ଛା     ଛାଡ଼ି ନାହିଁ ପିଛା

ହୋଇନି ବି ପ୍ରଶମିତ ।


ଦାନଧର୍ମ ବିନା    ଭଣ୍ଡାର ମୋ' ସିନା

ରଖିଥାଏ ଭରପୂର

ଗଚ୍ଛିତ ସମ୍ପତ୍ତି       ବଢ଼ାଇବା ପ୍ରତି

ଆଗ୍ରହ ନ ହୁଏ ଦୂର ।


କଦବା କ୍ଵଚିତ      ବଳେ ଯହିଁ ଚିତ୍ତ

ପୁଣ୍ୟ ପଥେ ଅପବର୍ଗ

ସନ୍ଧାନ ନକରି      ଯଦି ଯାଏ ମରି

ସୁଲଭ ହେବ କି ସ୍ୱର୍ଗ !


ବଳବପୁ କାୟେ   ନାହିଁ ଆଉ ପ୍ରାୟେ

କି ଲାଭ ତାରିଖ ଗଣି

କ୍ଷୀଣ ହେଲେ ବାୟୁ   ଅକସ୍ମାତ ଆୟୁ

ପୂରିଯିବ ସେହିକ୍ଷଣି ।


କଲି ଯେତେ ଭୋଗ  ବଢ଼ିଯିବ ରୋଗ

ଧର୍ମଛଡ଼ା ଏହି ରାହା

ପର ଉପକାର      ବିନା କି ପ୍ରକାର

ମିଳିବ ଦୁର୍ଦ୍ଦିନେ ସାହା ?




Rate this content
Log in

More oriya poem from Prasanna Kumar Madala

Similar oriya poem from Inspirational