ବନ୍ଦେ ମାତରଂ

ସ୍ଵାଧୀନ ମୋର ଭାରତ ଭୂଇଁ

ସ୍ଵାଧୀନ ମୋର ମନ

ଦେଖରେ ଭାଇ ଆସେ ସବାରି

ସତ କି ଉଇଁଲା ଜହ୍ନ ।

କେତେ ସୁପୁତ୍ର ବଳି ଦାନରେ

ଉଦ୍ଧାରିି ଆଣିଲେ ମାତା

କେତେ ରୁଧିର କେତେ ଯେ ଶିର

ଗଡି ବୋଲଇ ଗାଥା ।

କପଟୀ ଲଂପଟୀ ଗୋରା ସାହେବ

ବୁଦ୍ଧିଟା ଧରାଶାୟୀ

ଆମେ ଜିତିଛେ ସତ୍ୟର ପଥେ

ବନ୍ଦେ ମାତରଂ ଗାଇ ।

ଛବିଶ ତାରିଖ ଜାନୁୟାରୀରେ

ମୁକ୍ତି ଯେ ଜଳ ସ୍ଥଳ

ଏହାର ସ୍ଵାଦ ଲିିିଭାଏ ଖେଦ

ମାଠା ଯେ ସ୍ଵାଧୀନ ଫଳ ।

ଭାରତ ମାଟିରେ ଜନମ ହୋଇ

ଜୀବନ ଆମ ଧନ୍ୟ

ତାର ସୁରକ୍ଷା ତାହାର ରକ୍ଷା

ହେଉ ପ୍ରମୁଖ କାମ୍ୟ ।

ନିରାପଦରେ ଶୟନ ପାଇଁ

ସୀମା କାନ୍ଥରେ ସେନା

ତାଙ୍କରି ପାଇଁ ଗରବ ଆମ

ଉଡାଅ ସ୍ଵାଧୀନ ବାନା ।

ଆମେ ହୋଇଲେ ବିପଦ ଗାମୀ

ଉଡିବ ଅପକୀର୍ତ୍ତି

ଦୟା କ୍ଷମାକୁ ଅର୍ପଣ କଲେ

ଦେଶର ବଢିବ ଶକ୍ତି ।

ଭାଇ ଚାରାକୁ ହୃଦୟେ ରଖ

ସହଯୋଗ କୁ ଧରି

ବିଶ୍ୱ ଦୁଆରେ ଉଲ୍ଲେଖ ହେଉ

ଭାରତ ସ୍ଵର୍ଗ ପରି ।