ତ୍ୟାଗ

ଜୀବନ ଧରି   ବଞ୍ଚିବା ଏହି

ବଡ଼ ନୁହେଁ ରେ ଭାଇ

ଜନ୍ମିଛୁ ଯେବେ କିଛି କର୍ତ୍ତବ୍ୟ

କର ତୁ ହାତେ ନେଇ ।

ଦେଶ ସେବାକୁ  ମହତ ଭବି

ଯେବେ ଚାଲିବୁ ପଥ

ଅମ୍ବରେ ଦିନେ  ଭାସି ଉଠିବ

ତୋର ଅମ୍ଳାନ ରଥ ।

ବୀର ମାତାଙ୍କ  ଆଶିଷ ବଳେ

ହେବୁ ତୁ ବଳିୟାନ

ବୃଥା ନଯିବ   କରମ ଯାତ୍ରା

କିଅବା ବଳିଦାନ ।

ହଳ ଲଙ୍ଗଳ    ଭାବିବୁ ତୁହି

କାନ୍ଧରେ ବନ୍ଧୁକ ଭାର

ଚାଷୀ ଯୋଗାଏ ପେଟକୁ ଦାନା

ତୁହି ସୁରକ୍ଷା ତା'ର ।

ତ୍ରିରଙ୍ଗା ଝଣ୍ଡା ଦେଖିଲେ ତୋର

ମଥା ଯାଉ ରେ ନଇଁ

ସମର୍ପି ଦେବୁ  ଜୀବନ ତୋର

ମାତୃଭୂମିକୁ ଚାହିଁ ।