Library
କୁସୁମା ଉପବନ
କୁସୁମା ଉପବନ
ପରିକଳ୍ପନାର ରମ୍ୟ ଉପହାର
କୁସୁମା ସୁରମ୍ୟ ଛବି ;
ପୁଷ୍ପେ ବିମଣ୍ଡିତ ଉପବନ ସତ୍ୟ
ବିମୋହିତ ହୁଏ କବି !!
ଚିତ୍ରଣେ ଚିତ୍ରିତ କୁସୁମା ପ୍ରାଚୀର
ଐତିହ୍ୟ ସଂସ୍କୃତି ପ୍ରୀତି ;
ସତ୍ୟ ଧର୍ମ ଜୟ ବୁଦ୍ଧଦେବଙ୍କର
ସ୍ମୃତି ବଖାଣୁଚି ନିତି !!
ପରିବେଷ୍ଟିତ ଏ' ସୁଦୀର୍ଘ ପ୍ରାଚୀର
ସନ୍ଦେଶର ଗନ୍ତାଘର. ;
କାରୁକାର୍ଯ୍ୟମୟ ଚିତ୍ରିତ ହୃଦୟ
ସୌନ୍ଦର୍ଯ୍ୟଋ ସମାହାର. !!
ପ୍ରାଚୀରର କାନ୍ଥ ଗୈରିକେ ଶୋଭିତ
ନିଃସ୍ୱାର୍ଥପରର ଭାବ .;
ସ୍ଵଚ୍ଛ ପୁଷ୍କରିଣୀ ମନ ନିଏ କିଣି
ଗଙ୍ଗାମାତା ଆବିର୍ଭାବ !!
ନୌବିହାରରେ ଆନନ୍ଦିତ ସର୍ବେ
କୁସୁମା ହୃଦୟ ଖୋଲା ;
ପିଲା ଠାରୁ ବୁଢା ଜଳକ୍ରୀଡ଼ା ମଜା
ସତେ କି ଅପୂର୍ବ ଲୀଳା !!
ରଙ୍ଗ ବେରଙ୍ଗର ପୁଷ୍ପଲତା ମାଳ
ହୃଦୟର ପ୍ରୀତି ରଙ୍ଗ ;
ଦର୍ଶନେ ଦର୍ଶକ ହୁଏ ବିମୋହିତ
କୁସୁମାକୁ କରି ସଙ୍ଗ !!
ଶୁଭ ସକାଳର ପହିଲି କିରଣ
ପୁଲକିତ ମନ ପ୍ରାଣ ;
କୁସୁମାର ବର୍ଣ୍ଣ ହୁଏ ସ୍ଵର୍ଣ୍ଣମୟ
ସୂରୂଜ ବୁଣଇ ଭୃଣ !!
ଶୁଭସନ୍ଧ୍ୟା ହସେ କୁସୁମାର କୋଳେ
ହସଇ ସରଗ ଶଶି ;
ତାରାଫୁଲ ମେଳେ କୁସୁମା ସରାଗେ
ମନଖୋଲି ଦିଏ ହସି !!
ସଜଳ କଜଳ କୁସୁମା ଚଞ୍ଚଳ
କୋଳାହଳେ ବିତେ ଦିନ ;
ଦିବସ ରଜନୀ ଅବକାଶ ନାଇଁ
ଦର୍ଶକର ମୋହେ ମନ !!
କୃତ୍ରିମ ଏ ହ୍ରଦ ଗର୍ଭେ ଜଳ ପୂର୍ଣ୍ଣ
ରହିଚି ରୋଚକ ଗାଥା ;
ରାଜାଙ୍କର ପ୍ରିୟ ଏଇ ସରୋବର
ମହାରଣୀ ନାମେ ଯଥା !!
ପୌରପାଳିକାର ଏ ମହା ଉପବନ
ରାଜ୍ୟରେ ଆଣିଛି ଖ୍ୟାତି ;
ଲୋକ ପ୍ରତିନିଧି ଉଦ୍ୟମ ସରାଗି
ଅର୍ଜିଛନ୍ତି ସ୍ନେହ ପ୍ରୀତି !!
ସବୁଜ ଗାଲିଚା ସ୍ନେହର ସଦିଚ୍ଛା
ହୃଦୟେ ଭରିଛି ଆଶା ;
ଗୁଳ୍ମ ଚାରୁଲତା ଦିଏ ନୂଆ ବାର୍ତ୍ତା
ବିଶ୍ୱାସରେ ବାନ୍ଧ ବସା !!
ମନ ମୋହିନେଲା ଯାଜପୁର ଜିଲ୍ଲା
କୁସୁମାର ଉପବନ ;
ହେଲି ବିମୋହିତ ଦେଖି ମହାଚିତ୍ର
ଉତଫୁଲ୍ଲିତ ହେଲା ମନ !!
କବିଟିଏ ବୋଲି ଲେଖିଦେଲି କିଛି
ଶୋଭାରେ ବିମୁଗ୍ଧ ହୋଇ ;
କୁସୁମାର ରୂପ ବର୍ଣ୍ଣନା ସାପେକ୍ଷ
ଅଭିଧାନେ ଶବ୍ଦ ନାଇଁ !!
ଧନ୍ୟ ହେ ଉଦ୍ୟୋକ୍ତା ପ୍ରଣିପାତ ସଦା
ଧନ୍ୟ ତୁମ ବଦାନ୍ୟତା ;
ଯାଜପୁର ବାସୀ ଭୁଲି ପାରିବେନି
ତୁମର. ଏ ସଫଳତା !!
ମହା ଉପବନ କୁସୁମା କଲ୍ୟାଣ
ଜନ ମୁଖେ ମୁଖରିତ. ;
ସ୍ବାଗତମ କରେ ଅତି ଶରଧାରେ
ସଭିଙ୍କର ସାଜି ମିତ. !!
