ବାର୍ଦ୍ଧକ୍ୟ

ଖୁବ୍ ଭଲ ହୁଅନ୍ତା ନା,

ଯଦି ବାର୍ଦ୍ଧକ୍ୟ ଆସନ୍ତାନି !

ମୃତ୍ୟୁ ପରେ ଲୁହ ଢାଳି

ଅନ୍ତରେ କେ ହସନ୍ତାନି ।

ଜୀବନର ଶେଷ ଯାଏଁ

ରୋଗ ପାଖ ମାଡ଼ନ୍ତାନି,

ଗର୍ଭଜାତ ସନ୍ତାନ ବି

ନିଜ ପାଖୁ ତଡନ୍ତାନି ।

ସହରରେ ଗଣ୍ଡାଗଣ୍ଡା

ଜରାଶ୍ରମ ଗଢନ୍ତାନି,

ଆପଣା ଜନଙ୍କୁ ଝୁରି

ଜୀବନ ଟା ସଢନ୍ତାନି ।

ଦେଇ ଦେଇ ଚାଲିଯାନ୍ତେ

ମାଗିବାକୁ ପଡନ୍ତାନି,

ଅଧିକାର ପାଇଁ କେହି

କଚେରୀରେ ଲଢନ୍ତାନି ।

କୁକୁରର ସ୍ନେହ ଦେଖି

ଲୁହ ଧାର ଝରନ୍ତାନି,

ଆଶୀର୍ବାଦ ଦେଲା ବେଳେ

ଶୁଖା ଓଠ ଥରନ୍ତାନି ।