ମନୋଭାବ

ମନ୍ତ୍ର ବଳେ ଜୀବନ୍ୟାସ 

ଭ୍ରୁଣ ହତ୍ୟା ଯନ୍ତ୍ର ବଳେ,

ମଣ୍ଡପରେ ପୂଜାର୍ଚ୍ଚନା

ମାତୃଗର୍ଭେ ମୁକ୍ତି ମିଳେ ।

ଶକ୍ତିମୟୀ ଆଖ୍ୟା ଦେଇ

ଦୁର୍ବଳା‌ ବି ମନେ ଭାବୁ,

ଜୟ ଅମ୍ବେ କହୁ ପୁଣି

ନିରୋଳାରେ କରୁ କାବୁ ।

ରଜତ ସୁବର୍ଣ୍ଣ ମେଢ଼

ଆଭୂଷଣ ଯାହା ଯେତେ,

ଅଳଙ୍କାର ପାଇଁ ପୁଣି

ନିତି ଜଳେ ଜୁଇ କେତେ ।

ନବରାତ୍ରି ଅନ୍ଧକାର

ଲୁଚିଯାଏ ଆଲୁଅରେ,

ଜରାଶ୍ରମେ ବୃଦ୍ଧା ମାତା

ନୟନରୁ ଅଶ୍ରୁ ଝରେ ।

କେମିତି ଏ ମନୋଭାବ ?

ଜଣେ ଦେବୀ ପୂଜା ପାଏ,

ଲକ୍ଷ ଲକ୍ଷ ଦେବୀଙ୍କର

ସହି ସହି ଦିନ ଯାଏ ।