ଶ୍ରବଣ କୁମାର

ପିତୃ ମାତୃ ଭକ୍ତି  ହୃଦୟରେ ପ୍ରୀତି

    ଶ୍ରବଣ କୁମାର ସ୍ତୁତି

ସଚେତନ ଭରେ  ମଣିଷର ମନେ

    ସମାଜେ ମିଳଇ ଶକ୍ତି ll

ଅନ୍ଧ ପିତାମାତା  ଶ୍ରବଣ ଭରଷା

     ଶାନ୍ତନୁ ଓ ଜ୍ଞାନବନ୍ତୀ 

ଶ୍ରବଣ କୁମାର  ଆଲୋକ ଆଶାର

     ସେବାରେ ଥାଆନ୍ତି ବ୍ରତୀ ll

ନାନା ତୀର୍ଥ ସ୍ଥାନ   କରନ୍ତି ଦର୍ଶନ

     ଶ୍ରବଣ କୁମାର ସାଥେ

କାନ୍ଧେ ବୋହି ଚାଲେ  ପାହାଡ଼ ପର୍ବତେ

     ବଣ ଜଙ୍ଗଲର ପଥେ ll

ପାଣିର ସନ୍ଧାନେ  ଜଙ୍ଗଲ ମଧ୍ୟରେ

     ପୋଖରୀର ତଟ ଦେଶେ

ଶରର ଆଘାତେ   ମୃତ୍ୟୁର ନିକଟେ

    ଦଶରଥ ପାଶେ ଦିଶେ ll

ହୋଇ ମର୍ମାହତ  ରାଜା ଦଶରଥ

    ପିତା ମାତା ପାଣି ଦିଏ

ପୁତ୍ରର ବିୟୋଗ  ହୃଦୟେ ବିରାଗ

    ପ୍ରାଣ ବାୟୁ ଉଡି ଯାଏ ll

ତ୍ରେତୟା ଯୁଗର   ଶ୍ରବଣ କୁମାର

    ପିତୃ ସେବା କର୍ମ ତାର 

ପ୍ରତୀକ ସେବାର  ଶ୍ରବଣ ଅମର

     ଜ୍ଞାନୀ ଗୁଣୀ ଚିନ୍ତା କର ll

ଆଜିର ସନ୍ତାନ  ବିଦେଶ ଗମନ

     ବଡ଼ ହେଵା ଚିନ୍ତା ଧନ

ବଡ ନୁହେଁ ଧନ   କର୍ତ୍ତବ୍ୟ ମହାନ

     ପିତୃ ମାତୃ କର ଧ୍ୟାନ ll