ପୂର୍ଣ୍ଣଚ୍ଛେଦ
ପୂର୍ଣ୍ଣଚ୍ଛେଦ
ଅଳପ ପାଠୋଇ ସ୍ତିରୀଟି ରହଇ
ମଫସଲ ଗାଆଁଟିରେ
ସ୍ୱାମୀ ତା ରହନ୍ତି ଘରଠୁ ଦୂରରେ
କଲିକତା ସହରରେ ।
ଡରି ଡରି ସିଏ ଲେଖିଲା ଚିଠିଟି
ଥିବାରୁ ଅତି ଜରୁରୀ
ଠିକଣା ଜାଗାରେ କମା ପୂର୍ଣ୍ଣଚ୍ଛେଦ
ପକାଇଲା ଭୁଲ୍ କରି ।
ପ୍ରାଣନାଥ ମୋର ଘେନିବ ପ୍ରଣାମ
ଘର ହାଲଚାଲ ଭଲ
ବହୁତ ଖବର ଦେଲିଣି ତୁମକୁ
ଆସୁ ତ ନାହଁ, କୁକୁର ।
ଦି ମାସର ମେଣ୍ଢା ଛୁଆ ଖାଇଗଲା,
ହଇରାଣ କଲା ଛେଳି
ପଡୋଶୀଙ୍କ ସଙ୍ଗେ ନିଇତି ମାଆଙ୍କ
ଉଠୁଣୁ ଲାଗିଲା କଳି ।
ହାଟକୁ ପଠାଇ ବିକ୍ରି କରିଦେଲି
ମାଆ, ଛେଳି ଛୁଆ ପିଲା
ଆସିବ ନିଶ୍ଚୟ ରଥ ଯାତରାକୁ
ଇତି ତୁମ ସ୍ତ୍ରୀ ଶୋଲା ।
ପୂର୍ଣ୍ଣଚ୍ଛେଦ କମା ଅଡ଼ୁଆ ତଢୁଆ
ଘୂରିଗଲା ସ୍ୱାମୀ ମଥା
ଖେଳିଗଲା ମନେ ଆତଙ୍କ ବିଷାଦ
କମ୍ ପାଠ ବଡ଼ ବ୍ୟଥା ।