ଫଗୁଣର ଏ ରଙ୍ଗର ପର୍ବରେ ଦିଅ ରଙ୍ଗେଇ

ରଙ୍ଗର ପର୍ବର ଏ ଶୁଭ ଦିଵସରେ,

ଦେଉଛି ଏ ଶୁଭେଚ୍ଛା ପ୍ରୀତିର ରଙ୍ଗରେ,

ନାଲି ନେଳି ଗୋଲାପୀ ହଳଦିଆ ଅଭିରେ,

ଅଭିର ବୋଳି କାମନା କରୁଛି

ଆନନ୍ଦର ଏ ଦିନରେ ।୧

କାହିଁ ମତ୍ତ ହୁଅ ମିଛ ଗର୍ବ ଅହଂରେ ,

ଧନ ମାନ ଯଶ ନୁହେଁ ସବୁରେ,

ଛାଡି ଦେଇ ଅହଙ୍କାର ଏ ରଙ୍ଗ ପର୍ବରେ,

ବୋଳି ଦିଅ ପ୍ରୀତି ରୂପକ ରଙ୍ଗ ପର 

ଅବା ନିଜରଙ୍କ ମନରେ ।୨

ଏ ନୁହେଁ ଖାଲି ଅଭିରର ରଙ୍ଗ,

ସେ ତ ନିଜ ଲୋକ ପ୍ରତି ପ୍ରେମ ଆଉ ପ୍ରୀତିର କେତେ ଢଙ୍ଗ,

ସଭିଙ୍କ ଦେହେ ବୋଳିଲେ ପ୍ରେମରୂପୀ ସପ୍ତରଙ୍ଗ,

ତେବେ ଜାଣିବ ସମ୍ପର୍କ ଆମର ସତେ କେତେ ପରିବ୍ୟାପ୍ତ । ୩

ହେ ପ୍ରିୟ ଛାଡି ସବୁ ରାଗ ଅଭିମାନରେ,

ଆଜି ମୁଁ କହୁଛି ନାଲି ନେଳି ଅବା ଗୋଲାପୀ ରଙ୍ଗରେ,

ଦେବି ତୁମକୁ ରଙ୍ଗେଇ,

ତୁମକୁ ନେବି କୋଳେଇ ।୪

ଏ ହୋଲିପରବେ ଦିଅ ଟିକେ ସାତରଙ୍ଗ ଫଗୁଣର,

ଆହେ ମୋ ପ୍ରିୟବନ୍ଧୁ ସଖା ସହୋଦର,

କଥା ଦେଲି ମୁଁ ସାଥୀ ହେବି ତୁମ ସୁଖ ଦୁଃଖର,

ଏତିକି କହିଲି ଏ ସୌମ୍ୟର ମନ ହେଇଲା ସବୁଦିନ ତୁମର ।୫