ପ୍ରଶ୍ନବାଚୀ ?
ପ୍ରଶ୍ନବାଚୀ ?
ଏ ମୋ ଜୀବନ !
ସତେ ବହୁ ପ୍ରଶ୍ନ ଗୁନ୍ଥା ଅଡ଼ୁଆ ସୁତାର ସମାହାର ,
ଏ ଅସମାହିତ ପ୍ରଶ୍ନରାଜି ମଧ୍ୟରେ ସତେ ବନ୍ଧା ମୋ ସୁଖୀ ଜୀବନର ଡୋର ,
ଉତ୍ତର ଖୋଜୁ ଖୋଜୁ ସବୁବେଳେ ହୁଏ ଆଗନ୍ତୁକ ଅତୀତ ଦ୍ଵାରର ,
ହୁଏ ଖୁସି ମନେ ଲାଗେ ଶାନ୍ତି ପାଇଗଲେ ତା ଉତ୍ତର . . . . .୧
ପୁଣି ଆସି ପାଦରେ ବେଢ଼ି ପକାଏ ଆଉ ଏକ ସିଙ୍କୁଳି ପ୍ରଶ୍ନର ,
କେବେ ପୁଣି ଗଲାବେଳେ ଖୋଜି ହୋଇଯାଏ ବନ୍ଦୀ ନ ପାଇ ଉଚିତ ଉତ୍ତର ,
ହତୋତ୍ସାହେ ଚିନ୍ତା କରେ କେତେ କଷ୍ଟ ଭାଙ୍ଗିବା ଏ ପ୍ରଶ୍ନର ପ୍ରାଚୀର ,
ପୁଣି ଭାବେ ରହିଯିବି ଏହିଠାରେ ନଜୁଟାଇ ପାରିଲେ ସାହସ ଭାଙ୍ଗିବାର . . . . .୨
ଏ ଜୀବନର ପ୍ରଶ୍ନ ସତେ ମରୀଚିକା ରୂପୀ ,
ମାର୍ଗ ତାର ଲୁକ୍କାୟିତ ଚାବିର ଅଧିକାରୀ ଅନେକାଶ୍ଚର୍ଯ୍ୟର ସମାହିତ ନିୟତି ,
ଆଜି ମୁଁ ଶରଣାଗତଃ ତୁମର ହେ ଈଶ୍ୱର ଏବଂ ପ୍ରକୃତି ,
ସବୁ କଷ୍ଟ ଲିଭେଇ ଗଢି ଦିଅ ମୋ ଜୀବନ ରହିଯାଉ ପଛେ
ହୋଇ ପ୍ରଶ୍ନବାଚୀ ଅନେକ ପ୍ରଶ୍ନ ସେମିତି . . . . .୩