ଇନ୍ଦ୍ରଧନୁରେ ଯେବେ ଲାଗେ ଅଷ୍ଟମରଙ୍ଗ
ଇନ୍ଦ୍ରଧନୁରେ ଯେବେ ଲାଗେ ଅଷ୍ଟମରଙ୍ଗ
ଇନ୍ଦ୍ରଧନୁରେ ଯେବେ ଲାଗେ ଅଷ୍ଟମ ରଙ୍ଗ ଛଟା
ଦୁଃଖେ ଉବୁଟୁବୁ ଜୀବନେ ଆସେ ଆଶାର ବାର୍ତ୍ତା
ଆଗତ ସୁଖର ଆଭାସେ ମନରେ ଖେଳେ ଅସ୍ଥିରତା
ମନରେ ଆସେ ଖୁସିର ବ୍ୟଗ୍ରତା ।
ଜୀବନେ ଅଷ୍ଟମ ରଙ୍ଗ ସ୍ପର୍ଶର ବାର୍ତ୍ତା
ଭୁଲିଯାଏ ସାତ ରଙ୍ଗର ମାଧୁର୍ଯ୍ୟତା
ଉପେକ୍ଷିତ ଥିବା ତା ଜୀବନ ଜୁଆରେ ଆସେ ଭଟ୍ଟା
ଜୀବନ ଚହଟେ ମନ ଅଗଣାରେ ବଢି ମାଳତୀ ଲତା ।
ଅନେକ ଅସମ୍ଭବ ରେ ଆସେ ସମ୍ଭାବନା
ଅମା ରଜନୀରେ ପୁନେଇଁ ଜହ୍ନର ହୁଏ ବର୍ଣ୍ଣନା
ଆକାଶ ସାରା ମହକେ ଗୋଲାପର ବାସ୍ନା
ନିଦାଘ ଦହନରେ ଚନ୍ଦନ ଛିଟାର କଳ୍ପନା ।
ଦେହେ ଖେଳେ ଅପୂର୍ବ ଅନୁଭବ
ଅପ୍ରତ୍ୟାଶିତ ଶିହରଣର ଖେଳେ ପର୍ବ
ଚାତକ କେକୀର ତୃଷ୍ଣା ନିର୍ବାରଣ ହୁଏ ଖୁବ
ଅନିୟନ୍ତ୍ରିତ ଇନ୍ଦ୍ରିୟଙ୍କ ଅପ୍ରାପ୍ତିରେ ପ୍ରାପ୍ତି ଯେ ଅପୂର୍ବ ।
ସେ ଅଷ୍ଟମ ରଙ୍ଗ ଭାରି ବେମୁରବିଆ
କରେ ମନ କୁ ସେ ଆନମାନିଆ
କିଛି କ୍ଷଣେ ଭୁଲାଏ ସେ ବାସ୍ତବ ଦୁନିଆଁ
ସ୍ୱପ୍ନରେ କରେ ବିଭୋର ପ୍ରେମ ସେ ରଙ୍ଗର ଯେ ସାଙ୍ଗିଆ ।