ଲାଇବ୍ରେରୀ
ପ୍ରୋଫାଇଲ୍
କଲମର ନିବେଦନ
କଲମର ନିବେଦନ
ମୁଁ କଲମ କହୁଛି
ଆପଣ ମାନଙ୍କର
ପ୍ରିୟ କଲମ
ହେ ମାନବ !
ନା ନା ଭୁଲ୍ କହିଦେଲି
ହେ ସ୍ବାର୍ଥପର ଶିକ୍ଷିତ ମାନବ !
ମୁଁ ତୁମକୁ କହୁଛି
ଶୁଣୁଛ ତ ! ଶୁଣ
ଆପଣମାନଙ୍କୁ କହୁଛି
ଆପଣମାନଙ୍କ ପରି
ଶିକ୍ଷିତ ସମାଜକୁ କହୁଛି ।
ମୋର ଠିକ୍ ମନେ ଅଛି
ଆପଣମାନେ କହୁଥିଲେ ନା
ଆମେ ସୃଷ୍ଟିରେ ଶ୍ରେଷ୍ଠଜୀବ ବୋଲି
ହଁ ହଁ ମୁ ବି ଜାଣିଛି
ଆପଣମାନେ ହିଁ ଶ୍ରେଷ୍ଠ
ହେଲେ କୁଆଡେ ଗଲା ଆଜି ଶ୍ରେଷ୍ଠପଣ ?
କାହିଗଲା ସେ ସ୍ବାଭିମାନ ?
କେଉଁଠି ହଜିଛି ଆପଣଙ୍କ ମାନବିକତା ?
ଘରଠୁ ଆରମ୍ଭ କରି ଅଫିସ ଯାଏ
ଜନତାଠୁ ଆରମ୍ଭ କରି ପୋଲିସ ଯାଏ
ଯେଉଁଠି ଦେଖ ଲମ୍ବି ଲମ୍ବି ଚାଲିଛି
ଅନୀତି,ଅନ୍ଯାୟ ଓ ଅତ୍ୟାଚାରର ଚେର
ପୁଣି ଶୋଷଣ, ବଳାତ୍କାର ତଥା ବ୍ଯାଭିଚାରର ବର୍ବର
ହେଲେ ଏସବୁର ମୂଳରେ ଦାୟୀ କିଏ ?
ମୁଁ କି ଆପଣମାନେ ନା ଆମ ଶିକ୍ଷା
ନା ଆମ ଶିକ୍ଷାବ୍ଯବସ୍ଥା ।
ସତରେ
ବର୍ତ୍ତମାନ ର ସମାଜକୁ ଦେଖି
ମୁଁ ବ୍ଯସ୍ତ ଓ ବିବ୍ରତ
ତେଣୁ ହେ ଚିନ୍ତାନାୟକ !
ଥରେ ଚିନ୍ତାକରନ୍ତୁ
ଆମେ କାହିଁକି ଏତେ ବିପଥଗାମୀ ?
କାହିଁକି ଏତେ କଳୁଷିତ ?
କାହିଁକି ଏତେ ଦୁର୍ନୀତିଗ୍ରସ୍ତ ଓ ଅବହେଳିତ ?
କଣ ଏସବୁ ପ୍ରଶ୍ନର ଉତ୍ତର ଅଛି
ଆପଣଙ୍କ ପାଖରେ
ନା ନଥିବ କାରଣ
ଆପଣମାନେ ବି ଆଜି
ଲୋଭାସକ୍ତ ଓ ସୁପ୍ତ
ତେଣୁ ସମସ୍ତେ ପଡିଗଲ
ଭିଟାମିନ୍ ଏମ ର ଲୋଭରେ ।
ତେଣୁ କରି ତ ମୁଁ ହାରି ଯାଇଛି
ବର୍ତ୍ତମାନର ପାଖରେ
ଥକି ଯାଇଛି ତୁମ ପରି
ଶିକ୍ଷିତ ଗୋଷ୍ଠୀର ସ୍ବାର୍ଥପଛରେ
କେତେବେଳେ କାହାରି ଚାପରେ ତ
କେତେବେଳେ କାହାରି ଗୁଣ୍ଡାମିରେ
ପୁଣି କେତେବେଳେ କାହାରି କ୍ଷମତାରେ
କାହାରି ପଇସାର ଅଙ୍ଗଦ ପାଦରେ
ଚାପି ହୋଇ ରହିଛି ଶ୍ବାସରୁଦ୍ଧ ଭାବରେ
ଆଜି ଚାପି ହୋଇ ରହିଛି ଶ୍ବାସରୁଦ୍ଧ ଭାବରେ।
